帶眼識人，唔好所托非人

政綱可以唔對現，甚致可以改。我認為睇人要睇 attitude。

荃灣西

地點：西鐵

小女孩「果三個字點讀？」
媽媽『邊三個字？』
「果三個字。」
『咁多三個字。第幾個？』
「第一個。」
『吓？冇一個第一個係三個字咖喎。一個紅磡，一個屯門。』
「美孚同綿上路隔籬果三個字點讀？」
應該係美孚同綿上路中間。
『荃灣西。』
「噢，荃灣西。」
『荃灣西之後呢？』
小女孩續一讀出。只有兆康及柯士甸不曉得。但都如荃灣西一樣，教一次後便能由紅磡一氣呵成讀出所有站名。
『嘩，好叻喎。好啦，我比一百分你。』
「你呢？到你。」
媽媽當然能讀出所有站名。
「好啦，我比你......零分。」
『吓？點解呀？』
「你冇讀晒啲名。」
『我讀晒喎。』
「你呢，讀得唔清楚呀。」
『我讀得好清楚喎。』
「唔清楚呢。」
......
「唉，我真係好鐘意荃灣西。」
『吓？點解呀？你去過啦？』
「第時等我大個咗，我就搬去荃灣西到住。」

真系笑死我。好多時，三歲以下嘅小朋友對答都不合邏輯。