一切從檢出「非典型鱗狀細胞」開始。再用 DNA 檢出 HPV33，屬高危。
Wednesday 入養和。普通病房 (只得 3 張床) 窗口位。望住馬場。比我屋企重好 view。可惜呢晚無馬跑。有個包包，內裡有梳，牙擦，牙膏，膠杯，棉花棒，2 個 Seba 番梘，毛巾仔一條。有獨立電視 (其實系laptop) 睇。我自備睡衣。因有花粉敏感，所以手帶系紅色。抽咗血，12 點後禁食。雖然瞓得著，但床墊唔夠 support，被又有啲焗。
Thursday 早上 6 點，姑娘比衫我叫我 7 點換。跟住麻醉師見我，醫生見我。姑娘推張輪椅入嚟，用布張我包到得翻個頭。然後一值有人不停問我個名，邊個醫生，有冇敏感，有冇傷風感冒，知唔知自己做咩手術。手術其實叫 Colposcopy and Large Loop Excision Biopsy of Transformation Zone of Cervix。簡稱 LLETZ (美國叫 LEEP)。
推到手術嘅地方，嘟吓手帶確認就入去轉上床。又包到坎。推嚟推去推咗去 8 號手術房。都等咗一陣先有房。入到去見到兩盞大小雞蛋仔咁嘅手術燈。房好大，又凍。一個 15 分
鐘嘅手術居然有咁多人响入面準備。重聽到啲工具『傾傾』聲。轉到手術床，腳掌伸咗出嚟。用安全帶梆住左手同腰。除晒啲褲，但係依然包到坎。先吸氧氣，好大
陣膠味。然後打麻醉針。麻醉師話會感到有啲麻麻哋，不過我感覺唔到喎。因為同時又唔知比啲咩我吸，好似霉咗嘅木，好臭，臭到咳。醫生話係有啲味，係會咳。再比我吸，咳多吓就瞓咗嘞。
「起身喇！起身喇！」咁就醒嘞。已經離開咗手術房。開眼望住天花：太好喇！終於做完喇！姑娘叫深呼吸。幾分鐘後，醫生同我講一大堆嘢：會「乸乸」哋；之後要覆診，覆診時又要比佢填埋張保檢；記得比錢時 make sure 醫院响張保檢 form 到級印；4-6 個禮拜唔好做運動，游水，或者做瑜珈；比我睇嗰兩個切咗出嚟嘅粉紅色物體，話眼睇好正常，但都要拎去化檢，大慨星期一知道 O 唔 OK；會比 3 種藥我，止痛，消炎同胃葯 ......
嘟吓手帶離開，但今次係成張床唔系輪椅。姑娘幫我轉床，又幫我叫定嘢食。一直到 1 點先准食野同飲水。每個鐘頭檢體温同血壓。想瞓，但系 1 我卧瞓系瞓唔到，2 我懷疑係止痛藥令我覺得心跳好強烈 (應該係血糖低)。不過姑娘幫我量又無事。但系就感覺到某啲位「噗噗•噗噗」咁。由手術到走得需要 6 個鐘。
埋單要$25,xxx.。最主要系 operation fee $10,000，手術室材料費 $5,xxx，麻醉師 $3,xxx，手術室費 $2,xxx。
*** 記得帶衛生巾！
