胸圍

見有人問可唔可以唔帶胸圍。睇完晒當中嘅討論，發現其實係唔識揀胸圍。胸圍唔係淨係名牌嗰啲 -- 要靚要名貴，要使好多錢先有好質地，要 shape 得嗰兩舊脂肪靚靚。我用過好多款，使過好多錢，而家俾大家參考下，咪徙錢。

RECOMMENDED:
1. Bralette
以前要搵全棉冇 wire 冇加厚墊嘅胸圍好難，更加唔使旨意靚！都只可以係啲街坊賣睡衣底褲無牌子內衣嘅舖頭仔尋寶。
如果你有心機，可以 tailor-made。買啲杯墊或剪舊胸圍個墊出嚟，車上橡筋或有彈性嘅 lace 上面。鐘意 Y back 又得，鐘意 haltered 又得。
3. Camisole
非常好用。Silk 或 cotton 或 fleece 都有。單著或做襯衫打底一流！唔使又胸圍又背心又面衫幾十廿層！
4. Sports Bra
舒服。不過色彩太 sharp 要注意有無現出嚟。帶通常比較近頸，著唔到闊領面衫。
13. Bikini Tops
一定舒服。不過 ribbon 會現，又買落水嘅衫一般會買窄身啲，所以可能會太緊。顏色亦唔使旨意有肉色囉！大家知唔知著白色面衫應該著肉色底衫先唔會現？好多人以為著番白色就唔會現。傻豬！

NOT RECOMMENDED:
2. Silicone Covers
唔夠透氣，唔可以用水清潔，出汗會甩，而且慌死唔夠凸重要再厚啲另另捨捨凸出嚟！重會敏感添！
5. Bodysuit
襯恤衫唔會啡出嚟，一流！但係去廁所好麻煩！可以選擇 groin 位有鈕扣嗰隻咁就方便多嘞！
6. Blouse Tape
8. Backless
所有用貼嘅，無論係膠定好似 post-it 咁都會有出汗就會甩嘅問題。唔夠承托會 dur，然後就會想甩！會敏感。
7. Corset
只適合被虐狂。
9. Sew-in-Cups
裝上嘅衫唔夠貼就會走光。跟衫唔跟身。
10. Bandeau
會搧落嚟。有 silicon 邊又有出汗唔貼嘅問題同會敏感。唉～
11. Lifting Tape
12. Gel Inserts
無論點睇都只係輔助，單獨著 ......
會敏感。肯定痕到阿媽都唔認得！
14. Pasties
番唔到大部份嘅工！又係痕到阿媽都唔認得！
15. Bra-less
同面衫磨擦，兩 pat 脂肪 doin doin 吓咁，一啲都唔舒服！

http://l.facebook.com/l.php?u=http%3A%2F%2Fwww.thetalko.com%2F15-of-our-favorite-bra-alternatives%2F&h=ATMFsCM74SMcUHKMl9qgdgBt_9NZ5W5FzPzEIVadpry8OgsRqrnVuxo72i44OZ47NkxnAbjVHOWEeSMbu5q5sjUHLBEOE8g4ckjrZ0YnHaZcJ2wMiEm3oYObOsmFUQ