Verbs 1 基本 -- 翻譯通症狀

香港學生有好多都患上「翻譯通症狀」。即係當正英文係由中文演變出呢咁，中文句構，英文字。呢啲「爛英文」係因為學生無認真學習英文句構，有機會接觸英文時 ( 如看英文劇或電影 )，耳仔關掉，只用眼睇中文字幕。

一個 BB 仔學母語時會眼定定睇清楚口型，擘大耳仔聽清楚，再吖大口試講「嫲」。唔多似喎，再呢。眼定定睇清楚口型，擘大耳仔聽清楚，再吖大口試講「媽」。得咗！大人又會笑作鼓勵，於是又不停地講「媽 ...... 媽 ...... 媽 ...... 」鞏固記憶；全家人，朋友，親戚 ...... 不停咁刺激 BB 求存嘅模仿系統。好快 BB 已經可以駁嘴駁舌啦！

大個咗，大腦己有邏輯思維，可以以聯繫方式學習同記嘢。 BB 求存嘅模仿系統會漸漸消失。於是學習要有系統。但系多接觸及多練習先能反應自然同快。

I am very much agree with you. 呢啲咁嘅「翻譯通症狀」就唔會出現。

I	am	very much	agree	with you.
我	系	非常	同意	你。

老師成日講 Subject (主詞) + Verb (動詞) + Object (受詞) / Complement (補語) 有冇記低？--> 冇。因為老師成日講，駛乜記？但系同學有冇唸過你唔去記，唔去練，老師就要成日講。講得多，厭嘞，淨系話同學錯。

「咁點錯呢，你又唔講。」
「What？講咗 eight thousand times 喎。subject + verb + object 喎。呢到有兩個 verbs 喎。」
「，系喎。好似好熟喎。咁我唔識英文嘛。一時唔記得啫。」「你究竟系咪認真想學英文？要我講幾多次先記得？我一次過講夠佢嘞。如果我每重復一次你比 5 蚊我，我發咗啦！」
「學呢揾食咋。有冇快速學英文？」
「你 practise 多啲密啲咪快啲囉。有捷徑，無人唔識英文啦！你揾個鬼佬鬼婆做你老竇老母，扭計要錢都要講英文，包你兩個禮拜就會英語會話！」「唓！」