SMALL DOG SYNDROME

好多人見到細種狗仔好得意就想養。當然，有咁細隻狗其實就係想令佢哋更可愛迎合人。但係佢唔係手提電話，唔清楚功能，唔迎合自己，都唔可以隨便拋棄。

細種狗點解都會有同一種行為問題？因為：
1. 佢哋體型細。狗主通常都會覺得佢哋冇乜殺傷力而寵壞。完全唔覺得有需要教佢哋同做行為訓練。
2. 佢哋可愛。狗主通常都會唔捨得同佢進行行為訓練。
3. 狗主一開始認為細狗係唔需要咩訓練。
4. 懶！

但係即使細狗，狗都係有狗性。狗係以群體生活，而且各自有自己嘅綱位，以 alpha dog 為首。冇 alpha dog 就會毫無安全感。於是就自己充當 alpha dog 位置。但係有自知之明，明知自己冇能力，所以就神經質咁又吠又野蠻！完成不受控制。或者狗主唔介意做亞四。但有冇諗過狗狗24小時處於高度警覺嘅情況下過活係幾咁辛苦？

狗主作為 alpha dog 就要有 alpha dog 嘅風範！唔係懶有型就得。要夠兇猛！要有自信！作為部下，有佢自身嘅工作，狗主要分配。例如看門口。身為狗主嘅你有冇盡你嘅職責呢？