可怕的性事

小朋友「隻狗狗係咪你㗎？係咩狗嚟㗎？」
我『係呀！呢種狗叫哥基。佢叫包包，女仔嚟㗎！』
小朋友「我屋企有4隻狗。」
我『嘩！咁多隻。係咩狗嚟㗎？』
小朋友「全部都係比熊狗。因為daddy媽咪生咗5隻bb，賣咗3隻。淨番兩隻bb。加理daddy媽咪，就係4隻。」
陪著佢有位姨姨，不停在傍糾正 "daddy媽咪" 呢個 terms。必須指明並非人。
我『咁依家狗狗有冇絶育呀？』
小朋友「有呀！daddy媽咪做咗。bb等佢大個啲先。」
我『絶育早啲做會好啲。』
小朋友「點解呀？」
我『因為細個做，好快就忘記咗痛。第二，細個做，好番會快啲。第三，從來冇經歷過性事就唔會生想bb ......』
姨姨一聽到呢到就話要番去，唔好阻住姐姐(我)。
小朋友「咩係性事？」
我『性事就係想生bb囉！』
小朋友認真想咁樣，微微點頭。姨姨就開始趕羊咁。
我『而且絕育可預防老年患癌。所以絕育好緊要㗎！』