《學生通病 之 小學雞》1

1. 唔集中。心散。除咗係年紀上能力差別同覺得上堂苦悶，亦係缺乏選擇性練習。每一刻一秒都有著好多唔相干嘅訊息。譬如係車上同小朋友講嘢，車上面個電視，坐 旁邊嘅乘客，地上垃圾，都係唔相干嘅訊息。小朋友要練習 prioritize 專注最重要嘅事同 put an effort 去集中注意力。大班教學下，老師唔會教。屋企外傭唔識教。父母見面少，又小朋友由朝到晚已經在學習，於是捨棄教而揀放任輕鬆下。

2. 我習慣問小朋友最近發生咩事，學校生活點樣，除咗 warm up 一下轉下 channel 亦比機會佢哋用外語表達下自己，冇咁 bookish。但係重點依然係學習英語。不過，小朋友可能太開心啦！一輪嘴講，務求講平時茅人問嘅嘢，係我更正佢說話時就話 yes 然後繼續。太心急要講完佢，唔更正自己。

3. 不懂禮貌，無自律。屋企上堂太放鬆，我亦唔係一個好嚴肅嘅款。結果變成放肆。棟起腳坐呀，隨便離坐呀。上堂唔認真，功課唔做。唔會話我嚟之前準備，呼喝工人姐姐做嘢，走嘅時候唔會送客人到門口，更加唔使旨意比杯水我。最後都係忍唔住，定下規矩要教埋禮貌。