願聞其牆

You Are What You Do

好多人成日得把口，睇下佢哋識做乜？乜都唔識，淨係識話人！淨係識攞人著數，自己又係點對他人？

你想人哋點睇你，你就要去做果種人。你唔想阿媽話你懶，成日打機，咁你咪勤力啲，咪成日打機囉！不過，9 成嘅人都只會用把口叫阿媽唔好再話佢懶成日掛著打機。唔知咩邏輯思維諗出呢種完全冇效果嘅方法！俾著係我，就話『係啦！我覺得 1 日 24 小時都唔夠打機呀！』

大多數人會係冇人知嘅情況下唔自律，禮貌、仁愛、乜义义係做俾人睇。所以，光天白日係條大馬路偷錢係正常，有錢身痕玩女人都係正常。有冇人睇都咁自律先唔正常，只不過係 OCD 發作！

上帝的誘惑

小時候，告訴你上帝給你愛，不管你做過甚麼，只要禱告，便會得到寬恕和愛。

嘩！唔使罸都阿彌吉帝啦！重有冇條件的愛。真係冇得頂！

人大了，很多惡習其實是魔鬼驅使，要靠上帝給你力量才可抵抗改過。

係囉！邊係我貪慕虛榮？邊係我大使又懶？一切都唔關我事。係原罪！係魔鬼！

「不過我同天父傾計，關你乜事？我點解要你認同，接受你洗禮，加入你？」

「因為你唔嚟，我又點控制你，要你乖乖給我錢和權力呢？」

見工必備

1. 3 件自己嘅強項

2. 3 件自己嘅弱項

3. 1-3 個關於份工嘅問題

「打機過三關」當然唔係強項啦！同請你有乜關係先得㗎？針對要見嘅工所要求講出自己有。唔好就咁話我識乜，我叻乜，俾例子同數字。譬如能係壓力下依然冷靜分配及完成好任務。就算係啱啱畢業嘅同學仔都可以有：group work 時，同組有人唔做嘢又唔交帶，last minute 先出聲，你點樣處理？

「唔知醒」當然唔好講啦！黐線！講啲似非而是。譬如，我太着重 details，有時會阻礙進度。然後最重要係提出自己諗咗個咩方法拆解！人不完美，只要有得解決就冇問題。

Q&A 係你嘅 talent show！問啲有水準啲嘅問題。一般可以問下個 position 係咪新嘅，唔係嘅話之前條友點解走？需唔需要同邊啲同事上司緊密溝通。要就講下自己係呢方面有經驗，好掂冇問題！

Resume — expected salary

Resume 除咗要寫得啱胃口，亦都要釣胃口。

Objective 就咪寫啦！除非你好高級。Nobody is interested in your career path. 

Expected salary 亦唔好寫。你 qualifications fit 到流佢自然會 in 你。又或者佢會打俾你。到時，除咗知道豬肉餵到嘴邊，亦可以襯呢個機會問下對方一啲你好想知嘅嘢。你可以答「要睇工作性質同有冇其他 benefit。」即係睇 package，有得傾。對方當然可以使個唔知頭唔知路嘅𡃁妹問，死都要你噏個數俾佢。咁就睇你幾想要份工囉！假設你巧想巧想要：

• Budget 茅得傾嘅情況，即係睇餸食飯。噏個行內最低嘅數俾佢。有得 in 就神仙。到時睇佢幾鐘意你，你先再要求加！😁「咁你份工要星期日都上大陸喎！」之類嘅理由。

• 純粹填番資料俾老世睇，就噏中間價俾佢。Interview 時先再 negotiate 啦！個發球權係佢到嘛！

• 千奇唔好降低過市價。佢打得俾你，你就係佢杯茶！

學生

學生大致三種：

只會讀書，甚麼也不管

甚麼也不管包括讀書

甚麼都管就是不讀書

😂😂

變成他

要變成他是沒可能了。只有跟著望著他。😊

腦塞

A 係疑犯，B 決定佢係犯而且濫用私刑。C 話 B 濫用私刑唔啱就等於話 A 無罪。咁樣生按白造落去都唔知要攪到幾時。

幫人

我記得小學時一個同學仔同我講「你成日想幫人，不過唔係人人事事都想俾人幫㗎！」噢，原來係咁。

到我去間好多新移民學校教時，即使我願意免費，用自己時間補課，都冇學生嚟。

聖誕節時，我班開 party 我叫壽司到會，老師同一啲同學問「嘩！咁好？但係咁要食幾多先飽呀？」我話『而家係想大家開心吓啫，又唔係救濟貧民。唔飽咪去小食部買雞肶，番屋企食個麵囉！』老師「我都想做你學生。」

然後新年到了，無論金錢同責任我都無可能帶所有同學去香港島玩。於是只係帶幾個乖嘅。其中一個做咗警察去上 Space 堂做咗大爺同學仔。😂😂 新年嚟我到 BBQ 相認了！😅

幫幾多，幫幾闊，點幫，質素，有幾多資源，都有限～ 不能一廂情願以為乜都可以做到 5 星級服務。

玩 • 功課

「太多功課！應該去玩！」

何謂太多功課？我認為十份或以上為之太多。「太多功課」通常都是小學生的投訴。我問那些認為自己很多功課的學生（A），他們平均每日 7 份功課。再問那些認為自己不算太多功課的學生（B），他們平均也是每日 7 份功課。翻看他們的功課，有兩至三份是改正之類。A 都是惰性較強，喜歡「包抝頸」，只喜歡玩，聰明但不主動，亦不願意嘗試向難度挑戰。主要是不喜歡面對失敗。B 是每事問，喜歡知道，愛看書，不會慣性麻怨太多功課，比較有負任感，喜歡被讚賞。A 不是不喜歡被讚賞，而是太懶，沒有機會可以讚，亦不會因為想得到讚賞而努力。

再看看數學與英文課本及集作，比起我的讀書年代，一頁紙密密麻麻的題目，現在的一頁很多圖畫，練習只有 5-8 題。

當然，我的學生不多，而且大部份都是名校。這種觀察，不能準確描述香港小學生的功課問題。只能表示，功課數量並不能顯示真實的全部。然而可看出，投訴功課太多有幾個原因：

1. 真的太多。

2. 學生拖慢完成功課來逃避其他事，如溫習。

3. 學生追不上進度，改正多，對新學的練習有困難。

一個學生 (C)，家長一直放任孩子玩。現在到小學，很多基本英文字也懂，又不肯學。每次上堂連故事書也不肯看。過了半年，連她成績最好的中文也給其他同學追過她。最近的英文考試不合格。一直沒有溫習的習慣，加上要追上，家長後悔莫及。

我跟 C 說『你喜歡玩？』

C「喜歡！」

『但如果你沒有新知識，你就只能玩幼稚園級的遊戲囉！你要升上小二小三也在玩幼稚園級遊戲嗎？』

「⋯⋯ 做了這個練習是不是就會高分？」

『不會。你問問其他高分的同學做了多少練習，溫書溫了多久才拿高分？』

「⋯⋯」

『你要學習不是要做一個偉人，而是做一個有用的人。不要做一個廢人。』

玩就是要學把學的靈活地運用。