拜山

起身。忽然話拜山，咁咪拜囉。

大概行咗兩三條 staircases，C 就大嗌「我要唞。我要唞。」
B 「吓？你唔系成日做運動咖咩？」
C 「我唔做行樓梯。」合埋雙眼唞。

裝吓佢個旅行袋咁大嘅 LV 袋有啲乜：金銀衣紙？燒豬切雞？錯。系煙仔火機。又食煙又運動 (只為減肥) ，咁樣捐耗肺功能，真系唞得就好唞吓喇。

唔駛燒衣，好快攪掂，去飲茶。 C 電話響。
「... 咁咪嚟我到住囉。... 點會啫。唔會。得咖啦，嚟我到住喇。」
C 媽，A 「邊個嚟咖？」
「我老闆。以前加拿大嗰老闆。」
「男人嚟咖？」
「系呀。唔好呀？」
「吓？男人唔方便喎。」
「@#$%*& ... 你唔鐘意講聲唔好就得咖嘞 ... *&%$#@ ... 都話自已出去住咖啦，你又唔比。」去廁所。
A 「你睇佢，幾野蠻。邊個唔比佢自已出去住啫？有錢咪自已出去住囉。」
系你唔比 【錢】 佢自已出去住呀。聽唔明呀？
我 「第一，間屋系你嘅，好應該問吓屋主。就算唔系，大家一齊住，好應該尊重吓人，問吓人哋。佢唔識尊重人哋。」

講真。系 A 竉壞佢。怕咗佢就由佢刁蠻。咁就咪麻怨。唔想受氣就做啲嘢啦。又或者佢唔系怨，系晒命，好 enjoy ！

過關。C 走嚟話啲海關亞嬸就睇都唔睇，佢就睇完又睇。嘩，佢唔系想我話系因為佢靚吖嘛？「啲師奶亞嬸個樣唔多變吖嘛。靚妹頭髮又長又短，又攣又直。一陣間又化裝，又唔化裝吖嘛。」
「系喎。」好滿意咁。
敝！前面塞車！
C 「... 都話唔去咖啦。系都要今日去。... %$#*@」

－ 生骨大頭菜*！－