Topic Sentences 主題句

有中七同學重未掌握到 topic sentence 系乜，响到簡易介紹吓先。

主題句 topic sentence 就好似亞媽依依哦哦都系三篤屁咁，三個主題：唔好拍拖 (2nd paragarph)，唔好出夜街 (3rd paragarph)，讀好啲書 (4th paragarph)。

佢 就咁講句 topic sentence「仔呀，你重係細，咪掛住拍拖著呀。」你緊系唔聽咖嘛，所以佢會講多啲其他 supportive details 。譬如系故事性嘅：「隔籬屋阿蝦仔以前年年考第一，同對面嗰座朱太個女拍拖唔夠3個月啫嘛，即刻要見家長喇。好似話偷同學錢拍拖呀。」咁同我有乜關系呢？ 「你咪話想買架『咩拉你』跑車咖咩？成績唔好無前途點買呀？拍拖買唔到『咩拉你』跑車咖。有『咩拉你』跑車駛慌無拖拍咩！」事實性嘅，首先復述『新聞：大 學生為情亡』之詳情再 comment 「你睇，大好青年要生要死，為咩？咁叻仔就蠢响女人手到。通街都系女人啦。廿幾歲仔咋，真系無陰公。可憐佢老母養到佢咁大。」咁就系第二段囉！

第三、四段用同樣手法同格式就叫做 parallel 勒。一樣咖嘛，咪平衡囉。