有一個學生 (CH) 平時測驗平均得 20 分左右。他跟同學坐時，即使同學不理他，他還是說他的話。安排他坐窗邊單一位，他就玩百葉窗。結果要安排他坐門口單一位 -- 專坐。下課鐘響起，我還未說完，他就說「鐘打了！老師，鐘打了！」
我『那又怎樣？』
CH「下課了。」
我『對不起。那個鐘是用來提我時間的。甚麼時候下課是我說的算。』
一次不記得他做錯了甚麼，我說過犯了就每日放學都來教員室找我，於是他每日都要來。
「老師，來做什麼？」
『做好這個練習你便可以離開。』
「真的？」
『是做好。不是做完。你高興甚麼？』
「......」
錯了改。改至完全做好為止。我當然會再問他，看他是否真明白。
過了一個月。英文測驗，他全班最高分 -- 72！我說『好吧！你放學後不用再來。』結果，他又回到 20 分的水平。
一班平均 40 人。一位老師最少看 3 班。每班有 35 人像 CH 那樣，甚至品行更差。副校長問我有沒有興趣當全職老師，即要當班主任、開無聊會、交功課、幫政府為學校做無聊的評估；遇著老姑婆校長還要穿裙，甚麼甚麼一些不知所謂的規矩 ...... 誰會有興趣？傻的嗎？
可信報紙 SCMP 經濟 明報分擔 1 2 3，蘋果排17，文滙19。
最多讀者 蘋果89%，東方88%，頭條84%，明報80%。
越可信，越冇人睇！
1. share 蘋果嘢同 share 文滙 或 quote Harry Porter 係冇分別嘅。
2. share 啲係人都睇過嘅嘢幫佢哋做多餘嘅宣傳，keep 著齋八唔用腦嘅文化 (即佢哋成日講嘅'洗腦') 令佢哋可 monopolize 個巿場。
http://www.com.cuhk.edu.hk/ccpos/images/news/PressRelease_140102_credibility.pdf
原來 ketchup 系原自中文「茄汁」咖！
真人真事 -- Ketchup
中學家政堂，拍著個儍婆 J。為咗唔想再嘥時間同 J 補鑊，比咗一份簡單差事佢辦。準備時，我忙到一頭煙。茄汁呢？J 嘅差事。J 响邊？同人哋 team 畢緊油。
「J，你做咩呀？」
「帮 W 畢油。」
「咁茄汁呢？」
「揾唔到。」
四圍望。就一支令令舍舍响老師枱到。
「果支咪系囉！」
「旦系果支寫 "catch up" 唔一樣。」
「...... 咁佢係咪茄汁吖？」
「嗯。」
「咁就得啦。攞嚟。」
「吓。唔同串法咖喎 ......」
-- 撞鬼！--
想搵人一齊踩單車。B 特登從台灣訂咗部 $8,000 嘅單車。真比面！我就只係一個送外賣咁款。
Me：得唔得呀？好冇踩？
B：OK 呀！不過個轆污漕咗。
Me：...... er 轆係 suppose 汚漕架播 ......
經常出現的對話。是對話，因為根本沒有討論的元素。
A：不能這樣做。
B：為甚麼？
A：因為這樣做是不對的。
B：那裡不對了？
A：難道這麼不道德的事能做嗎？
B：......
結論：
1. 除了一個 statement「這行為是不對的」，甚麼也沒說。
2. A 其實對自己所判斷的對錯亦不清楚怎麼來的。
這叫做 begging the question。
Biology 我組三人，上到 human reproduction。
M：下？咁核突㗎！
我：咪扮嘢啦！一條嘢，一個窿，有幾難 figure out 呀？
M：我真係唔知㗎！好核突呀！
我：(覺得佢響樹扮嘢) 咁你總有個版本㗎嘩！講你以為嘅版本嚟聽下嘞！
M：哪，一個男，一個女，瞓響到。男嘅拎啲嘢出嚟，女嘅又拎啲嘢出嚟，撈埋佢，再放番響個女到。
我同 E 笑到講唔到嘢。我唔記得問佢係啲乜嘢。到我勉強可以講到嘢時 ......
我：咁 ...... 響呢個過程入面，你 ...... 你 ...... 以為避孕套係點用咖呢？
哈哈哈哈！我同 E 已經笑到直到落堂都講唔到嘢！
做 facial 嘅媽媽講嘅。佢見過兩次做 body massage 時，客人誤將紙底褲帶響頭上！
「咁有兩個窿佢以為做咩㗎？」
『（笑）...... 我唔知 ......』
「咁下面呢？」
『（笑）...... 冇著 ......』
呢兩個頭尊貴嘅客人！
旅行返，屋企出面 4 棵樹禿晒。呢 4 棵樹每日 6 點左右就有好多雀返嚟叫 10 致 30 分鐘。依家啲雀就要迫去遠啲嗰幾棵樹到。後山每逢拜山就火燒山。最耐燒足一星期！啲雀棲息地少好多。
地鐵路軌出現一隻 stray dog 被車死，事件鋪天蓋地，話地鐵殘忍 blah blah blah! 我問如果當時係一隻雀大家又點睇？係一條蛇又點睇？有啲嘢係意外，有啲係人為。火燒山嗰日，啲愛心爆棚嘅人，道德超標嘅你做咩唔出聲？
緣來緣去，不勉強，不追究。
手術之後，一如以往，寫 blog 講解情況。這樣認識了同一位醫生做同一種手術的病友。她很情緒化，跟我一開始就是對立。幾個月後她不回應了。我亦不了了之。
幾個月前，我覺得一位朋友的行為不把我當朋友，而且我不欣賞貪慕虛榮。實在沒有意思，unfriend 了。最近，她才發現，居然寫一個信息給我道「請你可憐下我，告訴我做錯了甚麼」。
唉，我是誰去可憐你？錯？是錯愛吧！投緣，爭吵也是樂趣。不投緣，打招呼也嫌煩。人生匆匆，何必耿耿於懷一個小人物？
生理上，男人其實唔係好需要女人。播咗種就任務完成，閃得！
心理上就同女人冇咩分別。人一個囉！但係唔知點解女人令舍怕寂寞！
如果你發現有第三者，你一定係企係比佢優勝嘅位置。否則，一開始，你個男人就會同你分手，冇眼屎乾淨盲！除非你唔玩呢個遊戲，如果你唔搵出呢個問題，任何一段關係，危機都有可能存在。要繼續玩呢個遊戲必先要知己知彼。佢點解唔放你？佢點解搵第三者？如果你將呢個漏洞倒絕了，第三者就冇存在價值。問題係，如果有咁理智，一開始就唔使攪出個大頭彿！
之前我話 "Fear blinds you"。其實 love 都會。哈哈！死未！
