性教育

Biology 我組三人，上到 human reproduction。
M：下？咁核突㗎！
我：咪扮嘢啦！一條嘢，一個窿，有幾難 figure out 呀？
M：我真係唔知㗎！好核突呀！
我：(覺得佢響樹扮嘢) 咁你總有個版本㗎嘩！講你以為嘅版本嚟聽下嘞！
M：哪，一個男，一個女，瞓響到。男嘅拎啲嘢出嚟，女嘅又拎啲嘢出嚟，撈埋佢，再放番響個女到。
我同 E 笑到講唔到嘢。我唔記得問佢係啲乜嘢。到我勉強可以講到嘢時 ......
我：咁 ...... 響呢個過程入面，你 ...... 你 ...... 以為避孕套係點用咖呢？
哈哈哈哈！我同 E 已經笑到直到落堂都講唔到嘢！