《「係」的疑惑》2

//Yesterday, Tom is birthday.//

Tom 是生日。

Tom = 生日

說甚麼？Tom is Monday. 可以嗎？

Yesterday was Tom's birthday.

Yesterday = Tom's birthday.

//The table have cola and chicken wing.//

枱擁有可樂與雞翼。

Have 在英文中只有「擁有」的意思，或作完成式的輔助動詞（即沒有字意）。這裏是想表達出現的意思 (be)，正是中文字直譯英文的問題了！

枱上出現了可樂與雞翼。

The table are cola and chicken wings.

The table = cola and chicken wings

這樣也不對啊！

「出現」的並非枱，而是可樂與雞翼。

可樂與雞翼出現了。

在哪？

在枱上。

可樂與雞翼在枱上。

Cola and chicken wings are on the table.

Cola and chicken wings + are + on the table.

subject + (linking) verb + complement (prepositional phrase)

那就是得先把中文句排列得像英文一樣才能直譯啊！

(From TSA report)

//Today, I help a my friend to do Math homework.//

有 my 就不用 a。

//I help my friend Because He doesn't do Math homework.//

可以看到 Because 及 He 錯用大草是因為多數是在句子頭看到這兩個字。即是學習是以影像記憶，根本沒有明白當中文法規則。

//After, he give me a cancks.//

After that, 其實比較口語化。Then 較好。"cancks" 可能是 snacks 亦可能與 candies 混淆了。但如用眾數前面 "a" 要改為 "some"。

//I feel very happy.//

完美嘅句號！

《「係」的疑惑》1

廣東話「係」即書寫「是」，實在令本身已經複雜的英文更加混亂！

動詞有四種型態：

present / past / present participle / past participle

excite / excited / exciting / excited

四種型態除了可以表達時態亦可以作其他用途。譬如 present participle 嘅 exciting，除 + be + -ing 作進行式，亦可以是形容詞 exciting game；一些 -ing 型態還可以是動名詞 (gerund)，譬如 walking (Walking can be a convenient exercise.) Exciting 與 excited 亦可作形容詞！

http://www.edufind.com/english-grammar/ing-forms/

即不同型態的動詞並不一定是句子中的主要動詞！😱😱😱 一些動詞除了可擔當主要動詞（有字意），還可擔當輔助動詞（沒有字意）：

be + -ing [構成時式 -- 進行式]

be + (past tense) V [構成被動]

have/has/had + (past participle) V [構成時式 -- 完成式]

這些情況，輔助動詞翻譯成「在」、「被」、「了」。可是，這些都可以以廣東話的「係」而構成：

She is doing homework.

佢係做緊功課。/ 佢做緊功課。

He has no choice.

佢係冇得揀。/ 佢冇得揀。

They have studied this.

佢哋係一直研究緊呢啲嘢。/ 佢哋係一直研究緊呢啲嘢。

［不過又同樣可以不需「係」。］

所以，如果不想以複雜無比還有很多很多例外的文法來學習英語，必須多讀多用來建立另一套語言系統。這樣就不會以口語廣東話來字譯字，變成不倫不類的英語。

真

尋找真相不容易，知道真相很痛苦。

一日回家

一日回家，只有我。食飯，餵包包，清潔備課，那個問題還是揮之不去。Whatsapp 你，很快的回覆。很滿意，睡覺去。

一日回家，只有我。食飯，餵包包，清潔備課，那個問題還是揮之不去。學習忘記解不開的問題。很累，躺在床上。

一日回家，沒有我。

小時候就係簡單

對於兩邊高樹，特別有感覺。
小時候，返鄉下，坐火車，過關，坐火車，坐巴士。已經算碎料。聽過路途要 3 日，真係得人驚！因為班次疏，如果搭唔到巴士，表哥姑丈哋會踩單車，一人坐一個客，踩（印象中）半小時到鄉下。不過，好多人踩㗎！三項鐵人咁，一堆人由車 站出發，踩下又少幾個，踩下又少幾個。有樹蔭，旁邊係草係田，唔會熱。草味，菜味，沙塵味，牛豬雞味。躉躉下，好瞓。
小時候就係簡單～

照下鏡啦

食開口水雞呢間店好多普通話人去，除咗因為啱佢哋口味，又平，近港大亦係好關鍵。不過通常學生會買走，但間唔中都會見到頭上亂草，明顯係 T-shirt 孖煙通 當睡衣，踢拖嘅學生哥堂食。

話說尋日去辦差事，之後食口水雞。搭枱嘅應該係一對拖友，女嘅聲音嬌柔有少少口音。坐低講下八卦商議下食乜，叫咗，然後好靜～ 而我亦覺得有啲怪怪 -- 男嘅忙住玩手機，女嘅就呆呆咁望住我。

食麵時，嬌柔聲嘅女發出嘅通渠聲效果（my pet peeve）！我 reflex 咁望下佢。佢用嬌柔嘅聲同男嘅唔知講乜，男嘅回應「唔係呀！」細聲咗一陣咁多，通渠就繼續！

我唸我唔似一個講禮儀嘅人，但係就會睇 etiquette 嘅書。我去食飯，睇醫生，總之約咗人都會閂咗手機鈴聲。如果你要我望住你玩手機，我大概會話「你約我嚟睇你玩手機？」。有 urgent message 要覆唔緊要，講聲。不過今時今日，呢啲嘢可能不合時宜。對方可能會話，你都可以玩手機咯！

食嘢時發出聲係難免，但都唔使咁放咁爽嘅。尤其係食完時嗰啲 jip jip jap jap！攞命 3,000！無人有興趣想知你牙縫之間有啲咩揭住咗，要用 9,000W 嘅吸塵機嘅吸力去 jap 佢出嚟，好唔好！！！

我明白食麵食意粉總會唔多唔少索索聲（勸拍拖初頭應盡量避免去食呢啲），不過吸咁多空氣入胄呢，小則放屁，大則傷腸胃。有人同我講，日本人係咁食麵㗎！咁你係咪日本人呀？日本人咁做重點唔係要索索聲；重點係令周圍嘅人感覺良好 — 煮得好好食，同大家食好好味嘅嘢好開心！依家你啲索索聲令禾巧唔舒服囉！

最後，口中有食物時唔好講嘢，要講掩住口講。無人有興趣想知你口入面啲食物咬成乜嘢樣，唔該！

人言可畏

人言可畏，可以人前說人話，人後另一番想法。

緣份

緣份就是認識的機會。
一切要由認識開始。

啊～

靜靜的等待悲哀消散

Pictures in Storybooks

Every time I take out a storybook, children will look at the pictures, flip the pages and miss everything I say. So I have to ask them, "If you stop looking at the picture and pay attention to what I am saying, you can still see the pictures later. Will the pictures fly away?"
"No."
"But if you stop listening and look at the pictures, can you hear what I say later?"
"No."
So what should you do when I take out the storybook?"
"Listen to you."
"Good."
Then I take out the storybook. They start looking at the pictures. 

關於手信/禮物

手信同禮物一樣，並唔需要乜乜日子先送或一定要送。每當我收到一份同我格格不入嘅手信或禮物時，比無重要失望 -- 當我係乜？又或為對方難過 -- 何必勉強？

今時今日，大家都物質豐富，好多時呢啲嘢真係好唔等使。新年禮物如果係公仔麵，我分分鐘食到大半年！不過好多時啲嘢都係等到過晒期。實在食唔切。徙晒啲嘢！😔 又或是你下次去旅行都會買自己心水㗎啦！留番條 shopping 癮比你！

每每，去旅行又好，行行吓街見到又好，啱啱學識整都好，我都係覺得見到件嘢有 "Wow! It's so you/[name]" 嘅感覺又 afford 得起而買/整嚟送比人。我收過啱用嘅有 cutting board！太多嘅 hand cream！我送過最攪笑嘅 house warming 禮物係 homemade jarred minced garlic 或 herbal sauce！

即係咁。大家去旅行時 enjoy 下，手信嘅嘢唔係去旅行嘅目的同責任。今次我有機會去 Prague 嘅 pet shop 見識吓，但冇買嘢比包包，因為都冇香港冇嘅嘢。我就係佢嘅手信！😊 大家學包包咁簡單，好可能會開心啲！

收皮 , 加油 , 笑死我 , 人山人海 , 放馬過來 , 唔理三七廿一

Is it me? 點解硬係覺得唔太貼切又怪怪？大家有冇好提議或見解？

1. 收皮
廣東話另一種講法係「唔該啦！」「好心啦！」，國語應該係「好不好！」；所以順利成章英文應該係 "please", "come on" 或者 "give me a break"。

2. 加油
"Go! [name] go!"
"[name]! Boom boom boom [could be drum, could be clapping]"
"Break a leg" 比較似祝你好運多過打氣。

3. 笑死我
Rolling on the floor laughing ROFL
Laugh my head off
Laugh out loud
如果聽到好好笑嘅 joke 我會話 "This is a good one"

5. 人山人海
"Jammed/Cramped with people" ?
"Sardined"
"Bustling" 如果指熱鬧

6. 放馬過來
除 "bring it on" "Show me what you got!" 都唔錯。

7. 唔理三七廿一
我唔明中文咁口語，點解譯做英文時咁文皺皺。如果話係職場上用，咁中文係咪都正經啲呢？
"Forget it! Just do it!"

我起一個：「走得快，好世界！」
Run! Run like hell!

----------   ---------   -----------   -----------   -----------

2015/08/28 星期五 11:26
英語大測試　收皮= Collect Skin？

身處職場，英文流利就如高人一等，但開口埋口用港式英語，只會令人質疑自己的英文程度，遇上外國人，更可能隨時習慣成自然，說不出正統英語，叫人摸不著頭腦！

TOPick 選出港人常犯的7句用語，並標示出其正確英文譯法，讓大家好好擺脫港式英文！

1. 收皮
打工仔忙起上來，做到扯火，或許也想「立會議員王國興上身」，向豬一般的同事大叫一句：「收皮！」
在港式英語的神繙譯中，收皮被直譯為「Collect skin」或「Save skin」，但肯肯定是錯的！發火要夠霸氣，不妨用以下幾句應付：
• 「Knock if off！」（慳啲、我唔受呢套）
•「Cut it out！」（早唞、返歸喇）
•「You make me sick！」（頂你唔順）
•「What’s wrong with you？」 （搞咩啊你？）
•「You shouldn’t have done that！」（你真係唔應該咁做！）

2. 加油
想鼓勵別人，中文可以簡單講句加油，香港人最鍾意用只有港人明白的「Add oil」，若希望對外國人作出鼓勵，應用以下語句：
•「Keep it up！」（繼續努力）
•「You can do it！」（你能做到的）
•「Cheer up！」（打起精神、振作）
但是，英文打氣語句與中文的加油始終有別，某些情況下要懂得變通，例如有朋友跟你說「我今晚會有個演出」，你便應以「Good luck」或「Break a leg」（祝你好運）為他打氣。

3. 笑死我
笑死我「Laugh die me」完全發揮了港式英語的神髓，香港人一聽就明，但若想以正式英文表達笑死的意思，可參考以下說法：
•「I nearly died laughing」（我差點笑死了）
•「You are really killing me」（真是笑死我了）
•「Rolling on the floor laughing; ROFL」（笑到碌地）

4. 好久不見
好久不見究竟可否用「Long time no see」來表達？聽起來有點像港式英語，但其實是可以的！
不少英美電影中的對白，亦曾出現過「Long time no see」，這句話曾掀起了西方教育界與文學界的爭議，有人認為這是不正統英文，堅持以下地道說法：
•「It has been a long time」（很久沒見）
•「It has been a while」（已經有一陣子沒見了）
•「It is a long time since I saw you last」（對上一次見面已是很久以前）
電視教學影集「芝麻街」（Sesame Street）的其中一集，標題也是「Long Time No See」：

5. 人山人海
香港人形容人山人海的景象，只會用上有限英文詞語，於是出現了「People mountain people sea」，在外國人的腦海中，真是很難理解。形容人多最穩陣可以說：
•「There is a large crowd of people」（有一大群人）
在詩詞用語中，外國人也會用上「A sea of faces」，同樣有形容人山人海的味道。

6. 放馬過來
放馬過來有種「夠膽就來鬥過」的意思，香港人十分有趣，將放馬過來直譯成「Let the horses come」，真是霸氣盡失！這句英文可說成：
「Come and take the challenge if you have the guts！」（夠膽就來接受挑戰、鬥過）
•「Bring it on！」（即管放馬過來）

7. 唔理三七二廿一
唔理三七二廿一這句中文本身已非常地道，要直譯成英文「Not caring three seven twenty one」就會變得非常奇怪。取其「不顧一切」、「唔理咁多」的意思，英文可表達成：
•「Regardless of the situation」（不管任何情況）
•「In spite of anything」（不顧任何東西）
•「Whatever may happen」（無論會發生什麼...）

http://topick.hket.com/article/674795/?r=tdsdfb

攀高? 踩高?

有兩種方法，不用自己努力就能錯覺提升自己身價：
1. 攀附高過自己的人
2. 踩著跟自己一樣的人

死記

一個男仔手揸一叠 cards。唔係演講就應該係考試。睇佢打扮，係考試。白紙 print 咗字再黐上去 cards。其實自己睇一次，消化，簡化為 points，再寫，呢幾個動作已經溫咗 3，4 次。整個過程每一次都要個腦 run 一次啲 points 而唔係死記。有 association 記嘢係好有效。懶到 notes 都係 print 出嚟，祝佢好運！But luck always favours the prepared.

汚漕邋遢 -- 壞習慣

雖然村巴無寫明唔准食嘢，但係唔等於就可以整到啲地方汚漕邋遢。

呢個女仔應該有 15 歲，係車入面食威化，重要分開一層層食，食到成身碎，一手都係！我睇見都打冷震！

咩人就做咩事。慣咗汚漕邋遢嘅人，點會一時間係唔同場合剔除壞習慣？

子宮向後屈/傾 Introverted Uterus

係好常見。天生嘅。有啲亦會係後天因素。不過好奇重邊有位向後呀就揾到呢個圖 (http://babyresource.com/…/is-it-possible-to-get-pregnant-w…/)。

有關呢個簡單講解可以睇 http://www.mayoclinic.org/tilte…/expert-answers/faq-20058485
 
簡單複雜化嘅中醫角色睇
http://myhospital.pixnet.net/blog/post/36488896-【婦科】子宮後傾與腎虛

不夠信

「男為女當了火，女就跟男說，起來讓我嫁給你！」
有人問，為何總要患難才見真情？
唔～因為平淡日子不夠信。因為自己也沒有信心自己會同樣的付出。

經痛

經痛問題。哈哈！雖然無 update 呢方面嘅嘢好耐，但係爛船有三分釘。咁我釘一釘比大家知吓。

-- 飲下熱嘢，傅下暖包，或按摩。
-- 做下伸展運動。其實平時做開，血液循環好啲，除減少經痛，亦可減少頭痛。不過，就算同一種痛症亦可以有唔同原因，唔好因為一個方法唔奏效就放棄。
-- 食止痛藥。不過對於經常經痛嘅人，除有越食越勁嘅風險 (漸漸痲痺神經，傷肝) 亦令潛伏嘅問題惡化，譬如係生纖維瘤 (不是癌)。
-- 自慰！如果自慰可以，咁性愛得唔得呢？唔～ 首先因人而異，每一個方法都對每一個人可做到既效果唔同。而行經時性愛，有啲唔衛生，咁當然可以做多啲衛生措施。不過，痛到五顏綠色，邊有心機！？
-- 食避孕丸。有調經作用。避孕丸有幾十年歷史，副作用已減致幾乎無。但又係人人身體狀況唔同，生活習慣唔同，年紀唔同，要跟醫生指導。(食避孕丸千其唔好吸煙，blood clot)

長期或經常經痛必須去睇醫生，或同你婦科醫生講。D 媽咪會話「做女人係咁㗎！」以前就係！如果係身體本身唔好，睇中醫調理一下，一樣可以斷尾！如果原因係好 minor 好易解決，何必要忍痛？苦行咩！如果原因係好嚴重就更加要早 D 攪攪佢。唔好到時後悔「睇下醫生啫，點解我當日唔做？」

http://www.m.webmd.com/women/menstrual-cramps
https://www.psychologytoday.com/blog/stress-and-sex/201101/masturbation-not-just-monkey-business

To Eat or NOT to Eat

如果話鐘意動物就唔食肉，咁話珍惜生命係咪要餓死？

豬狗牛羊兔，
菜瓜果蟲根，
邊樣無生命？
唔掙扎就食得安心？

孤單

孤單不是一個人。孤單是沒有人明白。

《學生通病 之 中學雞》1

《學生通病 之 小學雞》1

1. 唔集中。心散。除咗係年紀上能力差別同覺得上堂苦悶，亦係缺乏選擇性練習。每一刻一秒都有著好多唔相干嘅訊息。譬如係車上同小朋友講嘢，車上面個電視，坐 旁邊嘅乘客，地上垃圾，都係唔相干嘅訊息。小朋友要練習 prioritize 專注最重要嘅事同 put an effort 去集中注意力。大班教學下，老師唔會教。屋企外傭唔識教。父母見面少，又小朋友由朝到晚已經在學習，於是捨棄教而揀放任輕鬆下。

2. 我習慣問小朋友最近發生咩事，學校生活點樣，除咗 warm up 一下轉下 channel 亦比機會佢哋用外語表達下自己，冇咁 bookish。但係重點依然係學習英語。不過，小朋友可能太開心啦！一輪嘴講，務求講平時茅人問嘅嘢，係我更正佢說話時就話 yes 然後繼續。太心急要講完佢，唔更正自己。

3. 不懂禮貌，無自律。屋企上堂太放鬆，我亦唔係一個好嚴肅嘅款。結果變成放肆。棟起腳坐呀，隨便離坐呀。上堂唔認真，功課唔做。唔會話我嚟之前準備，呼喝工人姐姐做嘢，走嘅時候唔會送客人到門口，更加唔使旨意比杯水我。最後都係忍唔住，定下規矩要教埋禮貌。

鼻塞

政治遊戲就好似長期鼻敏感發作。我們只有到太塞時把鼻噴一噴。除此之外，沒有甚麼可做。

成日都唔啱

「係。我做乜都唔啱嘅！」
『係囉！你做乜錯咁多嘢呢？我都想知。』

與家長對話 4

一 (考) 試定生死。那重擊在考試，不在學校！

但是是否真的一試定生死？我發覺不少 HKSpace 科目門檻比 DSE 低。好像我讀的 Legal Studies Cert. 只有一個要求：懂英語。何為懂英語？看得明英文課本就是懂英語！

不要把 DSE 看得那麼重。大學畢業出來找工作比起中學畢業的工種窄，數量少。因為現在社會商業架構金字塔變得又矮又扁。出來做幾年工積累社會經驗，自費進修還可以免去負債，比起 green 畢業生，於社會上佔優。

這當然是 Plan B。有了後備出路，心就自然踏實多！

根本與甚麼學校無關！今時今日已經沒有「飛仔學校」。不必太擔心。

To Die

More exercise.
Student : Argh! I am going to die!
I : Everybody is.

Phases

人生有好多 phases。看一本書，十年前看，十年後看，有所不同。聽聞算命也十年一番。那麼一男一女一生中，心理歷程也有不同 phases 吧？一個去到火星，一個去到木星，那自然是分離。多少感情死在不同 phases？

婆媳

見過一本書，教人做奶奶嘅 friend，真係笑死我！呢啲咁嘢對我嚟講同睇聖經茅咩分別。講埋啲冠冕堂皇不設實際嘅話。同奶奶做 friend？唔嗌交都算係咁啦！重 friend！除非你係識咗嗰阿婆，同佢 friend 咗，佢介紹個仔過你識啦！奶奶嘅角色，同新抱嘅角色，根本就係九唔答八！英文最清晰 "in-law"！關係唔係建立係感情上，愛情上，親情上，而係法律上。即係格硬嚟！

如果咁啱兩婆媳好夾！咁就真係恭喜你囉！直頭要登報放煙花！！茫茫人海中搵個伴都咁難，重要 bonus 禮品啱使喎！即係你申請信用咭啲錢唔使還咁喎？

講到尾，我都唔明點解兩婆媳一定要做朋友嘅？就咁一份普通嘅尊重唔得嘅？做咩冇朋友到奶奶都要試下做個朋友嘅地步呀？唔好玩啦！我係奶奶我都唔得閒 so 你呀！我約咗 腳s 打麻雀，high tea，去旅行呀！

婆媳關係，我勸大家，平常心。佢係我家婆，我係佢新抱，成件事係咁啱得咁蹺㗎喳！

九龍人，多倫多人，香港島人，新界人

小時候住佐敦，學校又在佐敦，婆婆公公也住佐郭。公公是警察，住佐敦警察宿舍。最長住那八棟文X樓那裏。那時那邊是避風塘，渡船角碼頭，有載車過海的渡海小輪！以前的碼頭很熱鬧，林林總總的車仔小食。老媽是皇后，能吃那些小食是她賜的福！哈哈哈哈！

後來移民加國，開心到爆！因為討厭香港那間學校和上學文化。跳出框框，發現香港人的壞習慣：stereotype 與「老馮」。經常自說自話，對別人說話從不認真聆聽亦沒耐性聽，都是猜猜猜然後插嘴。猜不中就說「同你溝通唔到呀！」。又，自己遇到問題又推到別人頭上。在多倫多，見很多新奇事就問，沒有人曉得你從甚麼貴族名校。大家姐去了 Montreal 上大學，老媽有點不習慣思鄉，很多事可以自主，簡直像 Prison Break 一樣！

好奇甚麼珠心算？找了一份教算心珠的工，不過要到香港 training。這個珠心算其實不過賣噱頭，一班大老闆都是律師。Training 未完就辭掉了工，索性留下再找工。當時大家姐已經在香港工作了，就住她那處。然後找到工作在香港島，就變成了香港島人！

做新界人不過是 4 年多的事。有地鐵很方便。

住哪裏最好？⋯⋯ 住哪裏都很好啊！

記住 -- 痛！

我不計較不是我善忘
我要記住亦並非記仇
而是痛讓我學會不再上當！

體罰

對於體罰，我不鼓勵，也不反對。

我取向是盡量不用，但世事無絕對。

這個世界是「乜嘢人都有」！有些就是欠揍！不相信？那你的世界是沒有 SM 之類的人。美好新世界！阿彌陀佛！

體罰的作用許多時是即時效果，並非教導的全部。甚麼對象，甚麼時間，甚麼程度，怎麼善後都必須慎重考慮。體罰與死刑不同。死刑是錯了回不了頭，不能更正。體罰錯了可更正。問題是家長是否能承擔錯誤再而更正？這個取捨除了很個人，又同時影響兩代人啊！

與家長對話 3

家長對小朋友還未掌握 phonics 感到很頭痛。我也發覺一般小二以下的小朋友在這方面確有困難。智力成長的里程碑人人不同，只要有適當的定時練習，終有一日會開竅。不用太擔心。

有時家長太憂慮，表現過度緊張，小孩子是感覺到，只是不懂表達與抒發。神經拉太緊時請退一步。

與家長對話 2

家長因為很失望女兒沒有考上最心儀的小學，我說普通人在貴族學校生活也很辛酸的。

會考考不上大學並非世界未日。今時今日越高學歷競爭越大。一邊工作可以賺錢進修，亦䁠工作經驗，上夜校繼續讀門檻低，然而一樣可以讀一個學士。

考不到名校不是世界未日呢。

與家長對話 1

一個 5 歲小童跟我說，超人很厲害，把壞人的手和腳都撕掉！聽得我毛骨悚然！我問他有沒有先嘗試教好壞人？為什麼一開始就把手腳撕掉那麼殘暴？

電視節目或電影說要有家長陪同收看的意思不是家長像個紙版人一樣在旁跟孩子一起看電視節目或電影，而是在適當地解釋給孩子知一些事。例如，故事情節是假的。

不同

風暴式，來得激烈，去得快。
點點滴滴儲起，巧滋潤啊～

溝通 . 語言

語言雖然是溝通很重要的工具，但要良好溝通還是要鍛鍊聯想與認知的協調。
簡單地用我在一間日本公司裡最怪的 J 做舉例。

G 問我有無興趣一起跟一個網球教練學打網球。當我們討論學網球之事討論得興高采烈時，J 突然問「咁我哋幾時去打高爾夫球？」

另一次，我跟 G 講嗰套「爆裂形警」好攪笑。G 問講咩㗎。咁我就話張家輝係臥底，吳鎮宇係驗屍官 ...... 突然，J 問「咁劉青雲 ......」唔通我一直講錯咗係劉青雲？望望 G，G 亦用莫名其妙嘅眼光望 J。我知我冇講錯，係 J 又遊魂！

J 智商或許有啲問題。但係其實我哋溝通時，腦入面隨時準備定詞彙啦，相關嘅事件同知識啦，分析嘅功能。呢方面工夫越鍛鍊得多時，當對方一講完，就可以立刻回 應。即我哋平時講嘅「轉數」。阿 J 之所以唔知轉咗去邊，可以係低能，亦可以係平時相處嘅人唔係咁轉法。即係好可能係宅女，乾物女之類。有啲書蟲就係咁，成日牛頭唔答馬嘴，甚至會錯意。

其實我都有少許呢啲問題。有時唔知轉咗去邊。只係無 J 咁嚴重。依家太少面對面溝通嘅機會，越嚟越多年輕人有轉唔切，轉錯，甚至停轉嘅現象！

手袋

其實我真係好鐘意好鐘意用布袋。變化比較多，重可以好容易自己做，又可以掉入洗衣機洗，重好有番學嘅味道。但係落雨拎布袋好麻煩。唉，落雨本身就引出好多麻煩事㗎啦！而且唔出得大場面。即使你環著個 LV 牛仔布袋都係爭啲。

名牌袋最搵笨。幾皮嘢一個，為乜？就係過唔到自己囉！講真，嗰啲 monogram 成個阿婆咁款，如果唔係冚世界都知隻嘢有幾貴，重以為你做乜攞阿嫲個袋用！仿皮又唔低，真皮𠝹花又心痛。重要得閒攞出嚟抹下。鬼咁煩。成日都聽到有朋友 名牌袋比外傭撻咗。做着我外傭就慘！成屋最值錢睇怕係我 ⋯⋯ 部 iPad, iPhone 同電視機。⋯⋯ 雖然包包係 pure breed 但 desex 咗兼老嘞，都茅咩作為，偷嚟棧嘥米飯！都係講番手袋。

最得意嘅現象係啲港女當手袋係裝飾，男朋友係聖誕樹。成件事變得巧豪華！咁 display 嘅嘢就緊係比人睇啦！所以話，佢想話比人知佢係個咩人，咪 present 啲乜比你睇囉！手袋已經唔係實用品，係「裝」飾品！

我突然有種感覺 ⋯⋯ 黃的士會話「比唔起講咁多廢話！」

神婆 · 上癮

神婆，就是說出你想聽的。這些神婆就像令人得到短暫快慰的毒品，教人捨不得。但你想聽的不一定是事實。不面對事實問題就難解決。痛苦依然就要再找那短暫快慰吧！

神 · 完美

我認為世上沒有神。任何一種神不過人心中完美的人。世上沒有完美的人。但我們都渴望朝著心中完美的形象將自己變得更好。而每個人心目中的好是不一樣的。

當形象被 symbols 取代，視線被轉移到那個 symbols 時，任何侮辱 symbols 的人都是挑戰自己對「好」的見解。神被識破了只不過披著紫袍的人，就如美夢破了，要打吵醒你的人。

自綑

他有才，不服輸，認識很多朋友。比上不足，比下有餘。母親對他有期望。然而，他朝九晚九地談情說愛。生來精算頭腦，欠算了自己。

一日，愛人走了，一蹶不振。

精算師上互聯網算命。

口中常說小時怎樣怎樣，那時甚麼甚麼，以前是如何如何。活在歷史中的幽靈。當中的浪漫，只他一個人曉得。

自信隨著那個女人溜了，潛在的不安坦蕩蕩。為愛情行屍走肉。沒愛情，苟且偷生。

紮腳自綑，何苦？

想想對方要甚麼

人口澎漲，職位少了，找不到工作很正常。這種淘汰賽第一層懶人自動篩走自己。第二層篩走不自量力，不知所謂的人。蠢人比這兩種人優，至少他乖，不會出故惑。

不少有料之人找不到工作，除了時勢際遇，就是態度。現今社會是自我型澎湃，總是「me me me」。

It's not always about you.

站在雇主角度看！這不是叫你用你自己的價值觀和想法去做雇主，而是心態想法要代入。尋夢與發夢大不同！

說說最簡單 objectives，寫的是自己。與公司有甚麼關係呢？Next！

除非你找的職位很高級，誰也沒興趣你發甚麼夢。

真的！搵工與「溝女」很相似。要有心，用心，細心，不要怕羞也不能自大。她 (雇主) 要甚麼就顯露出你有能力給予。看出她想要甚麼，看出她的心意已經拋離了很多對手！

這種方法找工作能令你更認識你自己！

騷擾

我有一個門鐘，咁係咪等於任何人見到都可以㩒吓呢？同樣地，我有一個電話號碼，咁係咪就等於任何人得到個電話號碼都可以打嚟呢？

星：喂，你好呀！我地係星展銀行，我哋依家有個 ......
我：我唔需要。
星：吓？點解你會唔需要呢？
我：你點解會打到嚟騷擾我㗎呢？
星：哦，係咁嘅，我哋係向一個表 ......
我：咁都唔等如你可以打嚟㗎喎！
星：......
我：我唔需要你哋啲產品呀。拜拜！

個重點唔係你點得到個電話號碼，個重點唔係你有咩權利騷擾我呀！

遠在天邊，近在眼前的愛情

不少人非常害怕失去，對愛情恨而不敢靠近。

當愛情來到時，諸多要求，無限理由要敬而遠之。把愛情看成遙不可及的東西。

其實緣來緣去，強求不得，離離合合，勉強不來。一場來到，別怕，愛過，不枉過。

為求公平，浪費資源

由 OL 轉教書，係 contract 完咗之後，有人介紹我去代 3 個月課。學校 90% 新移民。我嘅親身經歷可以肯定，新移民好湊過問題本土學生！

當時代中二班主任。就係呢個係都要放 3 個月產假嘅英文老師留咗嗰條 "You can take them to use" 字條比我。呢啲小朋友好多直頭未離開過住嘅嗰區，因為無多餘錢比車費。放新年假時，我偷偷哋帶咗 6 個同學去兵頭花園同山頂玩。因為安全問題，只能帶咁少。每人比 $40 利是嚟填補交通費，晏晝我請。

好多對英文嘅認識就只係 36 個英文字毋。點解多咗10 個？因為大細草！我自己安排課室，放學時留底幫佢哋補習。大家猜有幾多人參加？係零。

自然非自然都好，淘汰賽係必然。有冇見過有心嘅小朋友眼白白望著懶散嘅小朋友浪費資源嗰樣？「佢唔要比哦呀！」哀求嘅聲線，渴望嘅眼神。但係社會樣樣講求 公平，平等。當中大多唔情唔願咁接受他人奉獻嘅資源，毫不珍惜。即係話 10 個有「有需要」資格嘅人，可能注定得 2 個有 potential 提升至脫離「有需要」資格。有好多人會覺得即使係咁佢都願意去比嗰八個人覺得佢多餘。我就另願幫嗰兩個以後可以幫到有需要嘅人。

底佢一世做 N 㗎

成日聽人講「底佢一世做 N 㗎！」N 主要係 sales，侍應同的士司機。

如果人人都有野心又肯奮鬥，咁邊個做 sales，侍應同的士司機？由電腦同機械人代勞。所以，其實想針對嘅係態度。總會有態度良好嘅 sales，侍應同的士司機啩？咁佢哋係咪後期都會轉行或升職呢？未必。首先要對呢類職業作出歧視，然後先能起到睇底人嘅作用。

服務性行業可以要求好低，亦可以要求好高。服侍人其實好唔容易。係屋企服侍阿爸阿媽阿仔阿女，係工作上又要服侍班靚，老闆同啲客。邊個唔係做到隻狗咁？分別就係好狗定冇咁狗。所以遇到啲態度差嘅就會好勞氣。

我最近終於肯接受一樣嘢，性格係 DNA 咗。性格亦影響做人態度。知識改變命運似神話多啲。睇吓幾多人冥頑不靈，無論你說幾多道理，教多少次，佢就係咁嘅態度。所以冇辦法，唯有對其他人包容啲。包到就包，容到就容啦！

老人家助聽器

同大家分享一啲老人家嘅問題。

我阿婆以前唔肯戴助聽器。老媽同佢配最新嘅，因為加拿大唔使錢。但係阿婆聾太耐，啲聲太靚，聽到佢好唔舒服。於是唔用。老媽話個助聽器好貴㗎，迫佢用。阿 婆就話你退咗佢，然後以後都唔敢再要。但係佢就成日「吓吓吓 ⋯ 都唔知你哋講乜」攪到個個都好紋！我番加拿大時探討過呢個問題。我問佢你淨戴著睇電視吖！佢話唔舒服。我問佢點唔舒服。佢話好嘈。我話較細聲啲。佢做比我 睇：

鈎响耳仔嘅助聽器，開關大細聲都放晒响果到。新型號 digital 教聲量可以教得好細緻。但係聾咗好一段日子嘅人，負責聽嘢嘅工能慢慢失去咗 selectively pick up important data 嘅能力。所以，一開始戴時乜 Q 聲都 pick up 晒，鬼殺咁嘈！醫生一定會教佢哋每日戴一陣，戴吓長啲時間，戴吓又長啲時間去 train up 番隻耳。不過個新型助聽器教聲量個制係好 fine 嘅動作先得。老人家已經做唔到 fine tuning 嘅動作。於是一係教到聽唔到，一係扭到去吱吱叫。非常唔舒服！我自已試過。於是我上網搵。Siemens 出嘅一隻超級舊款機：心口一個接收器，插著耳筒。老人家可以睇著嚟教聲量，甚至用接收器隊埋去電視到收好啲。好自主。用AAA電。戴著似 iPod。成功令我貪靚嘅阿婆戴！我有時對著佢部接收器細細聲講嘢，行街好多人見到都走埋嚟問邊到買。

後嚟阿婆不在人間之後，我捐咗個助聽器。

誤會 . 糾纏

一切誤會因不坦白做成，一切糾纏因不肯面對現實而產生。