馬仔 -- 解剖心直口快

都說人馬坦率、心直口快。我作為馬仔認為人馬愛事實，無必要隱瞞。一切誤會因不坦白做成，一切糾纏因不肯面對現實而產生。

【唔係朋友：我會懶得理，但你太囂張，我會攻擊】

女人討厭人馬因為女人習慣含蓄。女人一般不願面對現實，你偏偏挖開偽裝，令 the ugly truth 坦蕩蕩佈露出來，非常尷尬！不過事實係始終會浮出來，到時一樣係尷尬非常！馬仔係唔會介意做醜人。

男人討厭人馬。因為你不拍馬屁都算，重將佢粗糙嘅偽裝揭開，比人知道佢弱點同蠢(因為偽裝太粗糙，不堪一擊)，真喺可恨！

其他人就認為此舉好危險，得罪人。但人馬就樂在其中！睇見佢激到跳起，真係自己來嚟！請你裝聰明點！唔好比我睇穿！

【係朋友：我幫你開口】

如果我視你為朋友，我都係照講。但我會好似個阿婆咁，咦咦哦哦。用分析嘅方法同你討論。你有理據先好反駁，駁咀駁舌，我會要你好看！或你會堅持發夢，我會明白，亦不勉強你。但千奇不要狡辯！

多倫多市長吸毒

如果冇毛澤東，中國會變成點？冇人知。建設中國不止佢一人，但佢做成嘅破壞深遠，甚至可恨。今日大家見到嘅表面病徵：
唔文明 -- 四圍大小便，吐痰，做錯比人話都豪無廉恥悔意，四處破壞旅遊區、保育點，大叫大嚷
自私自利嘅行為 -- 打尖，霸位，死叫爛叫 server or sale assistant
埋沒良心 -- 毒奶粉（呢部分一周刊都差唔多拍得上！*）
一個領袖除咗能力，人格差其實很危險。要建設而放棄人格道德，值得嗎？

婦科檢查 邊個最慘?

如果你覺得去做婦科檢查好慘 -- 未算。醫生讀咗十幾年做婦科專科。結果，一日到黑睇無數個洞洞，一定又會 gup 到附近個「米」洞洞 ...... 日子過得好「黑暗」...... 陰公！

Funny Telemarketing 3

「喂小姐你好呀！我哋係 XY 財務公司 ......」
『我唔需要。』
「小姐，唔好咁快話唔需要住先啦！......」
『你連我個名都翕唔出，你憑咩叫我唔好咁快話唔需要住？你有冇得到我同意打比我？你響到騷擾緊我！我絶對有權咁快話唔需要！係咁。拜拜。』我真係好惡。唔好惹我！

不可一世

不可一世其實就是金光閃閃下有陰暗面。

諸多理由

人，想做一件事或者唔想做一件事呢總係諸多理由。
話「食嘢唔好食到咁大聲」又話做人唔使咁嚴格。
叫「唔好成日抱個仔」就話大啲唔比你抱。
話「由得佢(BB)喊啦！」又話佢會喊到第二日呀、噪親人呀！
叫「食飯前洗手先。」答你啱啱瞓醒咋喎！
叫「介煙啦！」又話會肥、冇靈感創作。
叫「早啲瞓，第朝早啲起身做」就答正經事唔等得。
問「使唔使幫下你補下課？」就話補都唔會合格、高分呀！
點解唔就咁答『我鐘意』？因為佢本人都知道自己咁做係唔啱、太任性。個理由其實係 justify 嚟安慰自己「冇辦法啦！」。

死的專利

生死這回事，從來不由人，亦不屬於某些人的專利。只有努力經營健康，盡量讓身心都快樂！

老公的矛盾

老公這人物有點精神分裂！又想找個人幫他處理家裡的碎事，卻又自尊澎漲，覺得為甚麼要聽你的。做老闆的老公更會將做老闆的態度帶回家，把家人當員工來經營！然後發現這個不好使喚，卻又不能辭去，就只覺得怎麼跟他的「現實」不同。頓時不知所措，就只好繼續當老闆 / 大少的角色發脾氣。
 
太太們會說『但他追我時都不是這樣的。他是可以很 [體貼、浪漫、XYZ] 的。』他追你的時候是荷爾蒙使喚的。也即是「荷爾蒙上身」！你們現在看見的才是他媽媽與社會調教出來的！在他成長的過程中一直只有與媽媽這唯一雌性動物有親密交手，久而久之被她寵壞，亦被她煩死。除非他有一個很強勁的爸爸，否則你一定會被他那日常生活中粗魯的習慣嚇呆！

做太太、情人、soulmate、心理治療師，甚麼也好，就是不要做他媽媽！否則所有事都會變得理所當然。尚若事情不如他想，臭臉便出來！你要做的事就是要他明白「老公」這角色是怎麼一回事。所以太太或情人本身就不能有港孩或公主病。若自己要求不設實際的「老公」角色，叫人怎麼達到要求？

那些怪獸家長，把孩子也帶得似低能的，孩子長大想找個伴侶就很難了！

這也是為何 (大多數) 家婆與老婆永遠都是對立的原因！

Who Is This Sad Face?

收到一個新學生，我私補中最細(K3)。今日去見見她，睇下佢英文點，鐘意啲乜，同屋企有咩設備。佢比我睇佢畫嘅公仔。有3個臉，好似魚單咁排成一串。上兩個笑，下面個苦臉。

Me: So whose face is this?
Her: Me.
Me: And this one?
Her: Me.
Me: Oh, so you must be very happy. You have 2 smiley faces. So is this you being sad?
Her: No.
Me: This is not you? So who is this?
Her: Mom.
Me: (in my heart) Oh dear!

揀女人

一般男人揀女人都一個譜。明明唔喜歡黐身黐世，但大把男人鐘意，佢又爭埋一份。明明鐘意活潑嘅，但又柴娃娃咁去追個十指不掂陽春水嘅林黛玉。就算蠢過隻豬，大洗過B嫂，呢啡過乞衣，只要佢靚靚好身材卜卜脆就得。幾好笑！

你的做到了嗎？要好好準備啊！

[樂活。家 issue017]
There are a lot of helicopter parents! There's always one around. As a freelance teacher, I roll my eyes a lot! I can say 1/2 of the high school kids in HK don't know how to do these. Reason mostly, not because they are not taught, is that the parents don't know how to do these either! Hence don't believe this is important. Inheritance!
 
There are 2 issues here.
1, is to take care of oneself and how to grow up like a normal adult.
2, is value.
When the parents don't know how and what to teach their kids, when the parents would rather 'buy' conveniency, they will get these cheap maids and treat the maids as if they are sold to them as slave. (Pretty much like those mainlanders shopping in HK, we become their slaves.) They nurture the kids with the same attitude -- quick quick hurry hurry! End up doing all the things for them. And they have a lot of convenient excuses: kids are young, I want them to feel love, they won't listen, blah blah blah...
Then, it's value. They don't know why they want kids. They don't know what to do with them. Kids are treated more like a toy. I will dress them the way I want, not the way the kids like. I want them to go to my dream school (the prestigious one I never had a chance to go to), and get my dream job (the highly paid which I never got). Every time I suggest parents to let their kids try as many things as possible to find their interests so they can have motivation to go for it, they respond, "How many people can have a job of their interest?" Well, the answer is no if you don't try. Passion makes things possible. They don't believe me. "How much can you get paid to do these things anyway?" Kids are fed with these negative believes. They don't want to try, don't like failing, and certainly don't want to pioneer. Basically, they don't have dreams.
I can go on and on.

醫生態度

睇到批評醫生態度。有人認為醫生態度差只係佢太直接。非常唔同意！

正常嚟講，醫生講嘢必須要直接，否則病人有所誤會都幾大鑊！但係直接同刻薄唔一樣。

假設 1：

病人「醫生，食避孕丸係咪好多副作用㗎！」

醫生『好多人都會從上一代聽到關於避孕有好多副作用。經過咁多年嘅 development，今時今日嘅避孕已經幾乎冇副作用㗎啦！』

假設 2：

病人「醫生，食避孕丸係咪好多副作用㗎！」

醫生（皺眉）『你聽邊個講㗎？你唔識就咪亂聽人講啦！我叫得你食就緊係冇問題㗎啦！』

信任醫生故然重要，但信任係點建立嘅呢？就係醫生嘅專業知識，耐心講解。

我唔知醫生有冇得學 customer service。如果因為上一個 customer 激親自己，而將情緒帶到下一個 customer，咁唔單止對下一個 customer 唔公平，而且唔專業。

有啲學生唔鐘意英文，甚至憎恨英文。佢哋連教英文嘅老師都憎。同樣哋，因為病睇一個冇 empathy 嘅醫生，經歷好唔愉快。於是，將兩者聯繫，係個病令我不愉快。只要唔理個病，咁就唔使唔開心囉！

為醫係為咗咩？錢？硏究細胞病毒？幫助病人？

Doctor a Scientist or a Healer?

BRCA 乳腺癌易感基因 [翻譯 • 摘要]

以下網頁資料須考慮地理與生活文化差異

Angelina Jolie & Breast Cancer (from SciShow)
http://youtu.be/iHOspvc4yb0


70% 檢驗呈陽性的女性認為乳房切除是最有較減低風險。 這群女性差不多所有並非因為要健康或長壽而促使此決定，而只是想擺脫得知檢驗結果後的恐懼。當中 65% 認為只有切除乳房才能減去患癌的恐懼。

40-80% 有基因風險的女性最終未有患乳腺癌或卵巢癌。

5-10% 乳腺癌患者中是 BRCA 基因突變；而 10-15% 卵巢癌患者中是 BRCA 基因突變。

This Blog Could Be a Lifesaver: BRCA and You
http://blog.doctoroz.com/oz-experts/todays-blog-may-be-a-lifesaver

除了生活方式能影響健康，一幅差的基因牌亦可發展出癌（無論你怎麼調節生活做盡對的事）。

雖然有人會認為這話題涉及有此種風險的女性很少，未能吸引大眾興趣。而且認為會令很多女性不安。

乳腺癌或卵巢癌高風險的女性當中，96%不知道自己屬高風險。

基因是擁有遺傳信息細胞的部分。正常 BRCA 基因的工作本是阻止癌。基因突變 (mutation) 是一個拼寫錯誤的基因，因此會改變其功能。若 BRCA 基因發生突變，此基因無法進行它的工作，癌 (特別是乳腺及卵巢) 便自由生長。

每 200 位女性就有一位帶有此壞基因。

什麼情況需做測試：
1. 一位親人有雙側乳腺癌，乳腺癌及卵巢癌，男性乳腺癌或有 BRCA 基因突變
2. 有德系犹太人 (Ashkenazi Jewish) 血統的，只需要一位親人有乳腺癌或卵巢癌
3. 兩位親人有乳腺癌 (一位少於50歲)，兩位親人有卵巢癌 (任何年齡)，或一位親人有乳腺癌及一位親人有卵巢癌
4. 自己有乳腺癌或卵巢癌 (有可能需要做測試)

BRCA 基因突變可從血液中驗出。不過不是每個人都需要做此項測試，而此項測試亦非常規。

或許很多女性會問，「我為何要知道 (有壞基因) ？」想想：知識是力量。若知道自己是陽性 BRCA，此知識可化為行動，大大減低甚而消除患癌風險。能有如此機會是一份恩物。

The BRCA Gene and Cancer: Do You Really Want to Know?
http://blog.doctoroz.com/oz-experts/brca-gene-cancer-do-you-really-want-to-know

有BRCA 基因突變的女性有 87% 發展成乳腺癌的風險。會在較年輕時發生。很多帶 BRCA 的女性會選擇乳房切除術再重建。其他會選擇由 25 歲開始用乳房X光照片及磁力共振密切監察。有 BRCA 基因突變的女性有 44% 發展成卵巢癌的風險，而一般女性只有 1.4% 風險。已有些減低風險的方法。

服用避孕藥 5 年或更長有 60% 可減低患卵巢癌機會。輸卵管亦是卵巢癌細胞的源頭。輸卵管切除有 40% 可減低患卵巢癌機會。

卵巢癌會提高 CA125。但正常細胞發炎時亦會產生 CA125。CA125 只輕度提高並非卵巢癌，反而可以是非惡性情況如子宮內膜移位或纖維瘤。卵巢癌一期女性 50% CA125 都在正常水平。

有 BRCA 基因突變的女性需要在 25 歲後每 6 致 12 個月做 CA125 檢驗及經陰道的超聲波。

一個多癌症個案的家族造成很多壓力和焦慮。就知識自己攜帶壞基因反而可減低壓力。因為你可殲滅可看到怪獸，卻不能殲滅隱形怪獸。

婦科醫生的秘密 The Dr. Oz Show - Secrets Of Your Gynecologist [翻譯 • 摘要]

以下網頁資料須考慮地理與生活文化差異

The Dr. Oz Show - Secrets Of Your Gynecologist from Lauren Streicher on Vimeo.http://vimeo.com/26939211



為何婦科醫生對病人治療與對自己治療不同？

婦科醫生會治療自己與病人有所不同取決於：
1. 病歷
2. 個人情況
可問婦科醫生＂如你在我這情況，你會否選擇XYZ？為何呢？＂
"If you were in my circumstance, would you do XYZ? And why?"

1. 避孕方法：52% 婦科醫生選用陰道環；82% 美國婦女選用避孕丸
                    (兩者有一樣功用與效用)
     何解：婦女看醫生時直接詢問避孕丸的問題，醫生就不多講其他
              不喜歡放東西在陰道的概念
     好處：以荷爾蒙運作而非以障碍運作

2. 用睾丸素改善低性慾：74% 婦科醫生會選用；<1% 美國婦女會選用
     何解：未有食品及药物管理局（FDA）認可

3. 超過 26 歲依然接受 HPV 疫苗：75% 婦科醫生會；0% 美國婦女會
     何解：醫療保險不受保
     好處：還會避免有很多其他性病
              不會有害 + 有些好處

4. 即使有乳癌仍會為滋潤陰道而用陰道雌激素：91% 婦科醫生會；8%
    美國婦女會
     好處：陰道只吸收少量激素
              知道那麼多婦科醫生會選用令病人感更安心使用

HPV 與宮頸癌 [翻譯]

以下網頁資料須考慮：• 地理與生活文化差異

http://www.nhs.uk/Conditions/Cancer-of-the-cervix/Pages/Causes.aspx

≪導致子宮頸癌≫

癌就人類細胞內的基因構造改變而成。基因給細胞一些基本指令，包括何時生長和復制。基因構造變異叫 mutation。它能改變控制細胞生長的指令。這表示細胞當停止生長時還繼續生長。若細胞不受控地不斷復制會形成塊組織叫瘤。

≪人類乳頭瘤病毒 HPV≫

差不多所有子宮頸癌患者都早已感染了人類乳頭瘤病毒。HPV其實是一組百多種病毒而非單一病毒。
HPV 是從性接觸感染的，而且非常普遍。據估計，三位開始了性行為的女性當中就有一位兩年內病發。

有些 HPV 不會呈現病徵，而無需治療下消退。有些則引致性病疣。

已知有兩種引致子宮頸癌的高危 HPV。
• HPV16 - 佔所有個案的 50%-55%
• HPV18 - 佔所有個案的 15%-20%

還有其他 11 種 HPV 有較高的機會致癌。

高危類的 HPV 被認為擁有改變子宮頸細胞的遺傳物質。這種物質會破壞正常細胞活動，最終令細胞不受控地復制直至產生癌腫瘤。

≪宮頸上皮內瘤樣病變≫

要形成子宮頸癌需要很多年。當中，子宮頸細胞通常會呈現變異，即宮頸上皮內瘤樣病變（CIN）。
CIN 就是癌前狀態。癌前狀態不會對健康造成即時危險，但潛在將來會發展成為癌病。然而，很多已有 CIN 的女士都不會發展成子宮頸癌。

CIN 亦分成三級。數字越大，細胞越異常。
• 三分一感染 CIN1 的女士會發展致 CIN2
• 感染 CIN2 的女士有一半會發展致 CIN3
• 三分一感染 CIN3 的女士會發展成子宮頸癌
所以由 CIN1 發展成子宮頸癌的機會是少於 30 份 1。
由感染 HPV 致 CIN 到成子宮頸癌的進程非常慢。大致要 6 年時間由初級致 3 級。再要 10 年時間由CIN3 成子宮頸癌。

≪風險因素≫

HPV 感染很普遍，而子宮頸癌則相對不普遍顯示只有很少部分的女性對 HPV 感染的影響無法抵抗。另外還有以下風險：
• 吸煙 — 吸煙女性比非吸煙女性患上子宮頸癌機會多雙倍；應該與於子宮細胞發現煙草有害的化學成分有關
• 免疫力弱 — 可以與接受免疫抑制劑（停身體抗拒器官移植）或因為愛滋病所致
• 服用避孕丸超過 5 年 — 這些女性比一般女性風險高雙倍

• 生育（越生多孩子，越高風險）— 生了兩個孩子比沒生產過的女性，風險高雙倍
子宮頸癌與生育之間的聯繋原因不明。其中推測與生育時荷爾蒙改變令子宮減弱對抗 HPV 之影響。

≪子宮頸癌之擴散≫

若沒檢出或治癒子宮頸癌，癌將由子宮擴散致週邊的組織或器官。癌可擴散致陰道及附近承托盆骨的肌肉。另外，亦可向上擴散，堵塞腎到膀胱的管道。

癌可再擴散到膀胱，直腸，以致肝臟、骨及肺。癌細胞亦可散布致淋巴系統。淋巴系統，如血液循環系統一樣，是分佈全身的一系列淋巴結及通道。淋巴結為免疫系統製造專門細胞。若你有感染，頸與腋下淋巴結會腫脹起來。

一些早期宮頸癌，附近的淋巴結已有癌細胞。一些晚期宮頸癌，胸部的淋巴結和腹部亦已受感染。

關於子宮切除 [翻譯]

以下網頁資料須考慮：

1. 地理與生活文化差異

2. 各醫院各醫生手術做法有所不同

3. 做手術之原因與康復情況各有不同

women.webmd.com/features/fresh-look-hysterectomy?page2 
≪腹腔鏡子宮切除術之利弊≫ July 13, 2009

手術較傳統的長亦相對昂貴。外科醫生之技術亦是重要關鍵。不太有經驗可造成很多損害。腹腔鏡輔助經陰道子宮切除術90年代已開始，所以大多婦科醫生都會。而腹腔鏡全子宮切除術則2005才進行。一般婦科醫生之中不多做此手術，甚至不太知道怎樣做。小心選擇外科醫生。找一個你信任，對你是否適合此手術的病人坦白的。不要把自己當他的練習。

≪合適的外科醫生≫

• 一個有經驗的外科醫生致少要進行過25致50次腹腔鏡手術。

• 一個好的外科醫生應該有少於5%由腹腔鏡手術改為剖腹術的經歷。

你應該有不同的選擇。外科醫生應該很熟悉所有步驟，給予病人適當的照顧。

≪切除子宮的原因≫

• 子宮肌瘤

• 陰道嚴重出血

• 子宮脫垂

• 子宮內膜異位

• 長期盆腔疼痛

• 子宮癌或子宮頸癌

≪情感與其他方案≫

視乎年齡，切除子宮在情緒上是很難的決定。因為手術後無法生育。有些女性會應為這個器官帶來很多麻煩。有些會為失去生育能力的女性特質而傷痛。

其他選擇：

• 藥物與宮內節育器 Marena 可控制大量出血的問題

• 子宮肌瘤切除術 (可保留子宮，可懷孕)

• 子宮動脈栓塞術 (不清楚術後會否影響懷孕機會)

• 子宮內膜消融術 (很多女性術後不能懷孕)

可考慮減輕病徵的方法。不一定需要直接跳到太侵略性的手術。然而子宮切除是一些較難的病徵的選擇。那些嚴重出血的女性都會為子宮切除後的好處而感到愉快。對於貪血、疲勞、疼痛、不能上班、影響社交、不滿的性生活都能得到改善。

≪切不切卵巢≫

除非是醫學原因(遺傳性癌病)，不應切除卵巢。

切除子宮心理關口

＜還是女人嗎？＞

不能生育還是個女人嗎？

子宮呢個器官冇咗唔致命，但係會令「有子宮先生到仔」嘅䚼息一并切除。可能會唸「有邊個男人會鐘意個生唔到仔㗎？！」但馮生到仔就鐘意咩？

其實，女人唔女人唔係有冇子宮、大波定長頭髮...... 決定。男人活得似個女人都會比人話乸型。女唔女人係視乎個腦唸乜，唸係乜就自然會做乜，做乜咪係乜囉！

冇咗子宮，額頭又唔會寫住嘅。冇咗子宮，一樣可以著 push up bra, T-back, 化最時尚嘅裝，行路扭下扭下。

＜會短命嗎？＞

呢個難！難在一開始就冇人知自己係咪長命定短命。

所有生物都有一個目的，就係繁衍落去。將自己生殖器官切除，冇咗呢個功能，命會唔會短啲呢？

我記得做完手術，醫生第一次嚟睇我，我居然問佢咁會唔會令我快老！佢好似有笑。啲麻醉藥係咪加咗酒精？我其實係想問佢會唔會令我快死！

假 設水壺入面嘅水代表我嘅命，而倒水入個杯到即係我活著。冇人睇到水壺入面有幾多水，但水一直倒入杯就睇到亦控制到。水倒倒下變成滴滴下(病)，咁我會移除 障礙物，令水能繼續順暢倒入。移除障礙物究竟會唔會令水壺入面啲水少啲？冇人知。不如唔好 focus 響水壺有幾多水嘅問題到，focus 番必須保持水杯有水流入係咪有把握啲呢。水壺有水，但倒唔入水杯一樣死！

與其日日唸住冇人知嘅命，不如著緊啲延長壽命嘅真正方法啦！
 
＜不能生育＞

這方面我沒有太大心得，不過這個有很多很好的提議，不妨參考一下：
http://www.hystersisters.com/vb2/showthread.php?t=194590

大至係做咗子宮切除的女士，响更年期期間有很強烈嘅湊仔意慾。提議：
1. 暫時收養（等待領養或家庭有啲問題而小朋友暫時冇人照顧）
2. 一啲同小朋友有關嘅義工
3. 做保姆
 
現時响香港係無代母服務。我就應為領養係好唔錯嘅做法。子女緣唔一定係自己生。雖然我唔信命運，但呢種微妙嘅因果（因為不能生育而有緣領養）好 amazing！

我隻狗狗係兩歲時帶番屋企嘅。當初都唔知佢咩性情，但總係覺得能收養到佢，我好幸運。覺得以後唔會養到好似佢咁得意。其實，可能佢乜鬼性情，我都會係咁唸。哈哈！

感情係培養出嚟嘅！我見過親生嘅，培養唔好，死也不相見。放下。自在。

夢醒

慢慢醒來，夢破了，痛苦亦消淡了。心卻空空如也。就這樣又繼續上路

超巿 cute 遇

今日去 TST K11 嘅 Marketplace。有個亞婆問我盒 drumsticks 幾時到期。

我「7 號。」

婆『今日幾號呀？係咪 8 號呀？』

我攞起手機睇「今日 7 號啦！」

『啊！今日 7 號。呢個好食呀！你睇，今日特別多！』

成格都係 7 號到期嘅 drumsticks。好平，一盒兩支肥肥嘅 drumsticks，只 $7！「啊！買多盒，放入冰箱。要食嘞！咪攞出嚟融雪囉！」

但係婆婆只掛住揀盒正嘅。佢可能一心唸住只能買一盒，所以揀盒正嘅！跟住講吓自己會點煮。我對未老先衰嘅耳仔，淨係聽到｢鹽｣同｢煮｣呢兩個字。「係囉！係囉！」

婆婆好滿意咁走咗。輪到我搵雞柳比包包。突然，婆婆番轉頭 confirm 放入冰箱嘅方法。

『即係可以放到冰箱㗎？』

睇嚟佢對呢個慳錢方法認真感興趣。咁我又點會拒絕教佢呢？

「可以。未食住嘅放入冰箱。唸住聽日食嘞就今晩放入雪櫃嗰格融雪囉！然後好似平時咁煮就得㗎啦！」
婆婆����哦哦，我只係聽到｢...... 啲孫 ...... 好食 ......｣。然後又埋去嗰格搵寶！

Ex 生日

與人談談她的情，說很多姻緣無疾而終。但她卻認識一個朋友能記住每一個舊情人的生日。問我記唔記得我啲 exes 嘅 birthdate。我「吓？有㗎咩？」爆笑！

都唔要咯，即係垃圾啦！垃圾嘅嘢又有乜好記住呢？

可憐？可恨？

朋友問：「男人將離咗婚個老婆幅相放響車到。你覺得有冇問題？」

當然有問題。有相只因生活一部分，放當眼處就是捨不得。如果問題未解決帶到新感情上，除非你愛死他；否則，你將會變成他的心理治療師。又是愛人又是治療師，難！我建議待他處理好自己再來愛你吧！

「可恨之人，必有可憐之處」也許就是這麼一回事。

多少戀愛從可憐而生，可恨而終？

起跑點?有跑過咩!

「大華盛頓地區一所曾經是全國排名第一的重點高中，近年亞裔學生的比例不斷升高，但排名卻日漸下降。...... 知名大學在收取學生時，創意和個人特色有時會凌駕學術成績之上。」
不要讓孩子輸在起跑點上

最近興虎媽。係，勤力係可以高分。但就謹此而已。即係做到經理，做唔到大老闆。而且，呢個經理位好快就會被淘汰，坐唔穩。因為總有人比你勤力，甚而比你聰明！

搵到自己嘅興趣好緊要。不論係做一個 librarian, clerk, pet groomer, clown ...... 能做一份自己有興趣嘅工係幾咁幸福！因為有興趣，所以先會有突破！退咗休都有寄託。人生有追求，就有意義。一生人就被迫讀書，被迫打份死工，太可憐！

我唔係鬼婆！

飯局，有朋友話早知我去做手術就煲湯比我飲。半枱人立即叫「佢係鬼婆嚟咖！佢唔信呢啲嘢咖！」中國嘢，鬼婆未見過，當然唔信。但唔通鬼婆唔會迷信嘅？鬼婆就唔貪慕虛榮？

我只係比一般女人理智、比一般人開明啲。唔知點解就變成鬼婆！我先一啲都唔鬼婆。我唔會去一日 spa，唔會係 bb 都話 cute，又或者成日 sugarcoat ugly truth。

幽默 . 不幽默

康城影展訪問中問及劉德華的角式，劉德華說他問杜琪峰："Can I be a blind lawyer?"

"Sure you can, sure you can. You learn more and then you practice more; you can be."

我 想此乃香港人之幽默。西方社會，由藝人變政客大有人在。最為人熟悉有 Ronald Reagan 與 Arnold Schwarzenegger。所以，溝通不止於語文，亦要對其他人的文化有所認識。當大家都看粵語配音的西片時，必定會錯失領悟當中文化用詞說法。看完 粵語配音，不仿亦看看原音，會更加有味道！

Jobs

Here's <How People Talk About Jobs> (HK version)
A: So, what do you do?
B: aaa bbb ccc ...
A: Is it well paid?
Seldom you hear people ask: "You like the job?"

Homosexuality

Just what is so scary about homosexuality? So they love their same sex partners hurt you? It is not infectious or learnt. It is not a crime booster. It is a fact. Do not use your ignorance to judge. And if you can't face it, you'll be living in your little bubble; unable to move forward.

Open Mind ≠ Mindlessness

There are times when some people believe in some stupid ideas* and I refute rationally with reasons, they'll say I need to be more open-minded.

[* Here are some examples of stupid ideas :
HK will claim to be infected area and hence need to store rice.
Going to washrooms in China, you will get your kidney stolen.
Salt can resist radiation.
Extraterrestrial intelligence loves to build things on earth and then leave.
When they can't explain something or too careless/lazy to investigate something, then it is ghost.
Pet psychic.]

To them, to be open-minded means to accept whatever crap they say. If that's the case, I'd rather be narrow-minded (in their terms, of course) than to downgrade to a retard.
[ "I don't like the fact that you're proving me wrong, so I will pretend that your failure to agree with my argument is a philosophical deficiency"
Open mind

I am sorry they don't have the brain to understand things and that I can't make them any smarter. The best I can do is stop being "bitchy" (scornful) but it's not going to change the fact that they ARE dim-witted! And here's the funny part: an ignorant person tries to define open-mindedness. Just how am I able to stop laughing?!

為什麼婚姻一定要一男一女？

不外乎兩大原因：
1. 宗教
2. 生育
從來，婚姻都不關乎宗教。中國人拜高堂，拜天地，攪一場大龍鳳，一切都不過形式，無非向其他人展示地位、建立關係、傳終接代。婚姻不保障女人。
當女人不再成為男人附屬品，男女平等，婚姻亦變成一夫一妻制。既然男女平等，婚姻下雙方權益都必須平等，而且有法律保障。(別話：但係我哋簽好多其他合約又唔使有宗教儀式或發誓、請飲或開 party？) 結咗又離，結咗又唔負責，大有人在！
至於生育，又唔係動物！除咗想得到兩個人嘅結晶品之外，今日生仔係為乜？都係嗰句，生咗唔教，教壞，亦大有人在！
連一夫一妻都制唔住，費咁多工乎唔比同性情人、變性人取得法律保障，又對邊個有好處？

香港教育 = 功課 + 補課

今日上堂問學生那一節自由堂（新篇的免費課堂，讓他們多點用英語的機會）可在哪一天上。其中一個學生拿出一張密密麻麻的補課時間表來。暑假根本不容休息，不如不放。忍不住說：「那些給很多功課的老師，教學資格差。那些放學、假期例要不停補課的老師，不但教學資格差，而且豪無條理，侵犯學生私人時間的權利，極不專業！」香港大多都是這樣教學的！

未做過家務

唔小心睇到TVB水上活動。李亞男話「我未做過家務！」
嘩！
老公『邊個娶著佢就慘！』
我『好羨慕呀！』

民主唔係大晒

民主係要有，即使佢有瑕疵。但唔好以為民主可以幫你攪掂民生問題。唔好以為有普選，低下階層就有好日子過，甚至以為大家就可以 un un 腳享受全民退休保障。

外國福利好，大家都知道。但係錢從何來？

加拿大有醫療保障、失業保障、房屋...... 但係以安大略省為例，買嘢要比多13%HST，入息稅最少係15%，最高係46.4%! 簡單計算：
出份糧 $2,000 拘 $300(15%)，剩番 $1,700買嘢又拘稅，實際只有 $1,479。
如果係專業人士，出份糧 $7,000 拘咗入息稅剩番 $3,752，買嘢再扣稅，實際只有 $3,264.24。
$2,000 得 $1,479。$7,000 得 $3,264。而呢兩個人生 cancer 所得到嘅醫療福利係一樣嘅。呢兩個人個仔係讀同一間學校。同共產冇咩分別。一個真實個案：engineer 去咗做賭場派牌，收入好過做 engineer！

或者呢個例子比較誇張。但係如果大家(有生產嘅)供自己份 MPF 都蟻咬咁聲，大家重願唔願意交多啲稅比全香港人分享呢？稅率高重會唔會吸引到人嚟香港做生意呢？咁高稅率重有冇非專業嘅工打呢？如果普選選咗個全民退休保障，可能會再嚟一次大 brain drain。可能啫。我唔係經濟學家，有好人一樣都唔係。

民主要完美必先要有嚴格人口管制同人嘅素質要高。想像一下大陸咁多人又素質低，聽日就民主會點？

子宮切除 -- 腹腔鏡輔助經陰道子宮切除術 Laparoscopic Assisted Vaginal Hysterectomy

< Diagnosis 診斷 >

過咗三年，再驗出 CIN2 高度病變。由於上次 LEEP 已經切咗好大片子宮頸，可以切嘅地方都冇乜剩，所以唯有切除整個子宮。即使堅持淨切子宮頸都有機會切到第二到，到最後都係切除整個子宮。女(婦科)醫生話一直食住避孕丸(冇停藥冇嚟經)，冇行房，打埋子宮頸癌疫苗針都咁快復發，隻菌都好惡。但係女醫生(廖)唔做微創(腹腔鏡手術)，而且今次去嘉諾撒，冇得去養和。我鐘意養和多啲。住 4 日醫院，收 $30,000，total 大概 $80,000！女醫生話去養和要加多 $10,000，做微創就 double 個價。就係咁打消咗我去搵 2nd opinion 嘅念頭。跟著女醫生又講關於微創啲好得人驚嘅嘢。我更加唔敢唸。

< Choosing Surgeon 選擇醫生 >

但後嚟聽朋友講佢個客做微創，第二日已經可以出院。陳煥堂醫生(養和醫院副院長兼婦女健康及產科部主管 I know about this after my surgery)收佢 $40,000。Okay，一係女醫生唔 update，一係陳醫生收友情價。因為我比較喜歡養和，plus，從來都應該揀微創 over 開刀！我有好多學生媽咪都係護士。佢哋比到好多有用嘅資料我。太好啦！約見譚家輝醫生。譚醫生本响瑪麗，被養和撬走，明啦！我將一大堆病歷比佢睇，再由盤古初開開始講。佢話做完 LLETZ 之後依然檢到輕度病變即係清唔晒，一定係唔知籬埋响邊。要再照陰道驗清楚，一併清除！可能係檢查時鴨嘴遮住果個位。果真陰道邊黐著子宮頸檢出有。

女醫生用鴨嘴，我都爆裂咁痛。譚醫生用最細嘅鴨嘴，我就冇痛。我嘅經驗(包括响加拿大時)係叻嘅醫生，手勢好，你只會 feel 到鴨嘴凍，係唔會痛㗎！而雖然女醫生可能冇咁好手勢，但冇乜大問題就費事轉嚟轉去啦！重有，睇醫生要夾同有多經驗，唔好介意係男定係女。醫生係專業㗎嘛！

< Preparation 準備 >

有 insurance 嘅同 agent 講清楚先。我上次做完 LLETZ 之後，佢都講明下次婦科嘢唔包。

因為考試响 6 月，冇學生會補習，可以安心休息。於是約 6 月。姑娘幫我 book 星期五。(覆診星期一發現超多人，唔怪得知姑娘幫我 book 星期五。) 我約定星期三朝早剪頭髮，剪到好短好短，唔駛點打理。因為我個人係要日日洗頭，萬一洗唔到，我要將果種唔舒服減致最低。如果長髮又貪靚嘅我提議帶條 bandana、絲巾之類包頭。下晝就去做 facial。買定晒狗糧同尿墊。再買衛生巾同紙底褲。我做嘅係 laparoscopic vaginal assisted hysterectomy，即係用腹腔鏡切，然後「生」個子宮出嚟(由陰道出)。所以 shave 咗先。其實 trim 已經夠。預備一兩件鬆身睡衣、拖鞋(可以著埋入去 shower 果隻)、抹身毛布。醫院會比牙刷牙膏、梳、襪、小小毛巾、Seba 洗頭水同番梘。結果係原封不動咁拎番屋企，因為我比較咋，由入院到出院都重係著住同一件醫院袍！洗面都係姑娘幫我準備。根本就唔會唸到抺身冲涼！帶定披肩。ding ling dung lung 要除，指甲油抺走，戴眼鏡唔好戴 contact lens。姑娘成日問我有冇假牙，所以有假牙嘅朋友要問姑娘點算，我都唔識。我冇工人，所以洗定晒衫，燙好晒一件過嘅裙入院，覆診同出街著。一件過鬆身短裙，尤其方面去厠所。人字拖入院，走嘅時候方便啲。

我建議入院前、禁飲食前最後一餐食清淡啲，飲就飲水。第一，唔想個口一陣味；第二，萬一消化出現問題，肚痾，但係又禁飲食，不但辛苦，而且會缺水。咁好難攪。如果唔想麻煩人，可預備定四日嘅叮叮餐放响冰箱。其實都唔係好食得多，因為我放唔到氣/屁。

我比較好彩。My sister offered help, but I declined since she had to come from Shanghai and has a year old baby. I have a supportive husband who was willing to stand by until I went to sleep. And I was pretty okay handling things by myself and with the help of nurses. 有人在傍幫忙好緊要，如果唔係就要入一等一嘅醫院等護士幫。因為一直都落雨，第二晚重行雷。我可以安心叫我老公番去睇包包(狗)，我有姑娘幫我得喇。不過又唔好比姑娘寵壞！

這不是個社交 or girl talk 嘅時候。After the operation, you'd feel and look crappy!  最重要係休息。雖然你有機會感覺良好，但响藥物嘅輔助下，你唔知身體承受嘅壓力其實好大。我 Whatsapp 最好的幾位朋友，通知他們不用找我。但因為我手術响星期五，個個都想星期六嚟。但係都冇乜精神去應付，要安排佢哋响下晝輪住嚟，同買唔同嘅果汁或細份生果(strawberry or kiwi)嚟。因為食唔落嘢，太多生果會食唔切。唉，好攰！

我有一個朋友好唔識做，一知道就話要星期五、六、日(pre-op)嚟打攪我。話同我傾心事。我根本都心事。我相信要做大手術嘅人，手術前後不但需要有足夠休息，亦好需要平靜！你或者好心想表示關心，但咪一廂情願，反而比壓力病人。

< Going to Hospital 入院 >

7 點登記。5人房，又係窗口位。窗口位貴啲㗎！最平係$880，我就$990。我估留得耐嘅都會瞓最平嘅，所以冇我份。但係可以見到陽光對我好緊要，心情會好啲。因為禁食，好凍，披肩呢個時候好有用。姑娘同我量血壓呀，kic-lic-karc-larc，問一大堆有冇敏感呀、食唔食煙呀、家庭病歷呀......

手術11點做，我瞓咗一陣就有護士入嚟幫我放便便，抽血。差不多9點我就換上袍。同上次差唔多。坐輪椅，問有冇敏感、做咩手術、有冇假牙......，換床(間房好凍)，等 theatre。大概有三個人嚟問吓嘢，包括麻醉師，醫生又嚟問吓緊唔緊張，凍唔凍之類，總之就係等緊 theatre 啦！唉，我一緊張就有便意(no.1)。好煩！

< Operation 手術 >

嚟啦嚟啦！有人嚟推我張床。經過一條放滿雜物嘅走廊，緊使可比張床過。入到房，爬過另一張似雞蛋盒狀嘅海綿嘅床(其實有啲似工廠入面啲輸送帶)。鬆咗件袍 同褲。我冇帶眼鏡。但我見到左下腳房角有一座 giant elephant 嘅物體用布㩒住。可能係果啲成個人入得去嘅 MRI 呀、laser 呀果啲機。近啲就係醫生棟响樹等，手响後翹。右下腳有一座長頸鹿咁高嘅嘢。四圍啲人好忙咁聲。好大好凍嘅雜物房咁。麻醉師出場啦 -- 又！伸出右手，我怕針，所以唔敢望。佢會好似講波咁一邊做一邊講你知佢做緊乜。我只係記得佢話打麻醉藥會有啲凍。冇錯，一陣寒氣包住手腕一直漫然到 elbow。令我唸起死刑。又比啲氣我聞。我要聞到第二吓先瞓。

嘩！醒果吓，肚以下，膝以上，所有嘢好似放過落 blender 撈埋一碟嘅感覺！痛，好唔舒服，但可以忍受，因為好攰！而右下扒，右 pat pat 勁震！我有試放鬆，但不受控制。放棄，好攰！由佢震......

手術時會將我放成 pat pat 高過頭，再放入 CO2 氣入肚。目的將其他器官盡量推開，等醫生可以睇清楚啲個子宮，而且唔會咁易整到其他器官。CO2 氣放入時已經整暖咗，如果唔係醒時就會成個人震。係可以震到成張床都郁！咁好危險，會令傷口爆開。所以，手術前身體狀態要好。手術前多休息可以令身體响手術後冇咁辛苦。

< Post-Operation 手術後 >

今次我乜都唔記得。再醒時已經响病房，比人好似移動海豚咁搬上床。然後我又唔係好記得點嘞。我醒時，感覺唔錯，就嘗試坐起。點知心跳得好勁，又喘氣，又有啲暈。姑娘將床放番平，比我聞氧氣。醫生見我就解釋麻醉後，血管反應慢，血壓下降，都係乖乖瞓低休息吓。:b 嘻嘻！事實上，又鈍又攰。乜都 feel 唔到。唔渴唔餓，所以，嚫啲止痛重有效好好休息！

半夜就慘啦！因為本身有腰痛，唔能夠臥瞓太耐，而且身體發熱令頭好痛，止痛又開始 wear off。叫姑娘。姑娘比止痛藥我，幫我攞走一張氈，重幫我轉身！嘩，太好啦！重話要多轉身，想轉身就叫佢哋。雖然唔係幾好意思，但都再叫多一次轉身。點解我冇法自己轉身呢？第一，我一郁啲氣(CO2)就會沖上膊頭同要側身嘅嗰排ribs。比抽筋重要痛。第二，我右手插住 IV，下面插住 catheter，我亦冇睇或摸過傷口，究竟有幾多傷口、傷口响邊都唔知，我唔係好敢亂郁。

終合放氣(CO2)嘅 ideas，以我認為最有效為先：
1. 轉身
2. 行，令腸郁番（而且可防手術後便祕）
3. 食
4. 飲熱嘢
舒緩 wind pain：
1. 按摩
2. Heat Pad

網上好多都話要行、要行、要行，加上長時間一個姿勢好辛苦，所以我好想好想掹晒啲喉。點知醫生做手術要做到 3 點！好彩醫生有交帶老(啲)護士，可以掹晒啲喉試吓自己行，重可以食嘢。點知等咗好耐都未嚟幫我掹喉。一掹我就話要起身，成班護士走入嚟叫我唔好。但係我已經跪咗响張床到唞緊氣！都已經舒服好多啦！我話要小解，姑娘比個兜我瞓响床去。真係怪到我爭啲去唔到。可能我之前想暈，所以啲姑娘驚我急得濟，叫我試吓坐住床邊先。我坐咗一陣，襯佢哋走咗自己試吓慢慢企起身。點知忽然有個護士入咗嚟， 問我點落床。落床咪落床咁落囉，我都唔知點答佢。我唸之前 I must look really bad。醫生見到我企咗响床邊就叫我扶住行，因為可能未恢復體力同會腳軟。我就圍住張床行。我個肚漲到好似想爆！但啲屁屁太不屑。加上陸陸續續有朋友嚟，我好似recorder咁重復又重復講同一樣嘢，好快我行兩行又好攰。老公嚟啦！佢叫嘢食，我黐佢少少。漲到頂住，實在食唔落。陪我去走廊行咗一個圈，痛係未停過。番上床，唔知 做咗啲咩動作，啲氣 attack 我右邊 shoulder and ribs。痛！痛！痛！痛！痛！(乘一打！）有老公就緊係叫佢按摩啦！好啲之後，行雷。我叫佢快啲番去陪包包，有事我會搵姑娘㗎啦！痛！痛！痛！將張床調到45度角倒，再墊兩個枕頭，側側哋身，終於可以瞓得著。瞓咗兩個鐘倒，痛！痛！痛！咩難睇到嘔嘅姿勢，正常時冇可能唸到嘅姿勢，我都試過。就係痛！痛！痛！試到好攰再瞓個幾鐘，瞓唔到嘞。雖然好攰，但唔攪掂啲氣就唔會有覺好瞓，冇啖好食，所以再行。因為間唔中會發熱所以著多件神褸就夠暖。我出絶招，坐凳伏响枱到瞓。冇咁辛苦，起碼瞓得著。瞓咗一陣，姑娘入嚟量血壓。再瞓，我唸都瞓咗個幾兩個鐘倒，嗝咗好幾啖氣，再加兩啖長嗝。嘩！好舒服呀！再行多陣，幾個小屁屁。再伏响樹瞓吓。跟住醫生到。出得院啦！哈哈哈哈！

< 番屋企 >

99 跟我番屋企！！如 Dr Lauren Streicher 話齋，99 唔係一個 best choice！

好攰，我唔得閒招呼佢，上房瞓。啲氣好痛，咁瞓咁瞓咁瞓咁瞓咁瞓 ...... 終於瞓到。中途發熱，令頭好痛！起身走動吓啦！99 開始煮飯。

我介紹 3 個 chopping boards 佢認識：瓜菜生果用嘅、熟肉如火腿、生肉。刀亦有分菜刀或切肉刀。佢切完肉冲水再切菜！救命！既然你係都唔肯分開用，咁係咪應該切菜先再切肉呢？

我冇眼睇。閃！

攪咗一場大龍鳳，其實都好普通飯餸，而且我冇胃口。地下油淋淋就等鐘點後日嚟拖。我第二日重新洗過晒啲嘢！發現用咗包包隻不銹鋼碟蒸魚！哈哈哈哈！

第 8 日覆診。
醫生：你個肚重好漲喎。
我：我不嬲個肚都漲咖啦。
醫生：冇咁漲。唔係肥嚟咖，係氣嚟咖！
我：咁就真係好消息！

重有左大比內側分別有痺、痛、痺 + 痛(有啲精神分裂)。醫生話係正常。開窿時整到附近神經，痺跟著痛跟著好番。點知成兩個月後先開始痛。係電擊咁痛！

正如 Crabby 講，休養期真似坐過山車！5、6日好哋哋，我重掃地洗衫......冇啦啦第10日倒，個胃以及圍住個身一圈嘅範圍痛到 M come 咁— 瞓唔係、扒唔係、坐唔係、i 唔係、踎唔係、企唔係。唯有行會好啲啲。於是我唔敢停，係咁行，好攰呀！就係咁過咗兩三日。一食嘢就胃痛！

過咗兩個禮拜多啲先可以叫正常。但依然有胃痛。

Useful Websites:

<關於腹腔鏡子宮切除術 About hysterectomy>
http://www.thewomens.org.au/totallaparoscopichysterectomy
What You Need to Know About Hysterectomy
http://my.clevelandclinic.org/services/hysterectomy/hic_what_you_need_to_know_about_hysterectomy.aspx
Dr Lauren Streicher excerpts from The Essential Guide to Hysterectomy (【子宮切除術的基本指南】一書摘錄)
http://drstreicher.com/excerpts-from-the-essential-guide-to-hysterectomy

<康復>
Hysterectomy Recovery! A Cranky Fitness Guide (子宮切除術恢復！一個古怪健身指南)
http://www.crankyfitness.com/2011/03/hysterectomy-recovery-cranky-fitness.html
How to Sleep In Pain
http://www.webmd.com/sleep-disorders/living-with-insomnia-11/pain-and-sleep?page=1

2010-06 海南*三亞之旅 (road trip) - food

首先，深圳 Ikea 晚餐。每人 RMB20。

American Steak House (Pullman) - Buffalo Wings, Mixed Grill, Lamb Rack (因為 hotel group member 所以有節，但我記得睇 menu 時 mixed grill 係 RMB198 or RMB189?)

Mangrove Tree Resort - Thai 唔記得價錢，只系記得老公話香港價。但系我覺得响酒店有風景，大陸又唔興 tips，應該算低！但唔開冷氣，好熱好熱好熱 ...... 囉！

Hotel Sofitel Boao - 一隻 fly 都冇，好驚 chef 會失手。點知唔錯，waitress 重 return tips 比我哋 - 唔收！

The Sex Lives of Early Humans

Homosapiens (人类) x Neanderthals (穴居人)
Homosapiens (人类) x Denisovans (杰尼索娃人)
Homosapiens (人类) x Gorillas ancestors (大猩猩)

The Sex Lives of Early Humans

Mind Reading

I don't think scientists are interested in what dirty stuff goes through my mind. But through this, we may really get to understand how our brains work. Yes, it's creepy. Yet, it's also fascinating!

Mind Reading

比鬼軋

National Geography 解釋你知"比鬼軋"

REM - Rapid Eye Movement （睡眠）快速眼部運動的

在REM深睡眠，你的肌肉（除了眼）基本上是固定的，為了不讓你演出夢。不幸的是，這個系統有時會適得其反，造成睡眠癱瘓。

大腦從 REM 循環醒來時出現睡眠麻痺，身體仍處於不能動狀態。當你慢慢恢復知覺卻無法控制自己的身體，這可以是一個相當可怕的感覺。

Sleep Paralysis

Doctors Are AWESOME!

How can a blood-sucking business compare with this benevolent job?
Doctors Are AWESOME!

Ancient Aliens Debunked

有一班唔知乜頭乜路無所不用其極咁去推銷 ancient aliens 呢個概念，就係從多個領域去證明古時外星人已到訪地球。當然係胡說八道。我係從 ancient aliens debunked (3小時) 中得知有啲咁嘢。一路都有一小撮人係好迷嗰啲 UFO 呀、陰謀呀啲咁嘢。但係當真咁以 documentary 式響電視播出，真係非同小可。佢哋會當正自己係專家咁，將一啲普羅大眾唔多認識嘅嘢上，用好深嘅科學字眼，去講佢個科幻惘想。於是，一般人，不求甚解咁就信咗。其實唔駛讀過科學，用基本常識，少少邏輯，都好覺佢哋吹水。但睇真正嘅科學家同學者拆解會學到好多知識同理論。好好好得閒不妨一睇：Ancient Aliens Debunked

壞 vs 蠢

呢個世界，壞人四處都有，蠢人更多！

MADNESS IN THE FASTLANE

Edit Why People Swear

How Swearing Works

1. relieve stress and blow off steam
2. establish a group identity
3. establish membership in a group and maintain the group's boundaries
4. express solidarity with other people
5. express trust and intimacy (mostly when women swear in the presence of other women)
6. add humor, emphasis or "shock value"
7. attempt to camouflage a person's fear or insecurity
8. feel they are expected to
9. a habit

Can't Do, Won't Do

DO something people CAN'T.
DON'T do something people WON'T.

無知防止犯罪

有人話，能醫愛滋病會令更多人亂攪性行為。
不少香港人認為，推行性教育會令更多年青人亂攪性行為。
如果自己染上了愛滋病，自問會另願一死作負面教才嗎？
如果因為無知亂攪性行為而染上性病，可會悔不當初不求教？
無知犯錯愚昧，明知故犯自作孽。為了作孽人而不救無知人，值嗎？

In a First, Baby 'Cured' of HIV

蠢 - 1

世上最愚蠢的事莫過於自殘。

求神

有錢就要比你?

Took a taxi home. $43.X, I gave taxi driver $50. He waited me to get off.
Me : Are you going to give me the change?
Taxi driver: I thought you want to give me as tips.
Me: Nope. I have never said that.
Taxi driver: I thought you're rich.
Me: Nope. Neither did I said that.

仙丹！

一於伏響樹睇下會5會有人願意R背脊先......



Oh 終於 得嘗所願

蠢-2

唔鐘意咪話唔鐘意囉！比埋 D 無里頭理由都唔知係佢蠢，定佢以為我蠢？

回到石器時代

與朋友，老公談到大陸人 -- 回到石器時代（沒有文明沒有文化）。要再繞多幾轉才能與其他文明國同步？「文化大革命」是美其名。實在是文化大剷除。一個國家沒有文化，沒有良知，不講道理；它的未來會是怎樣？不是滅亡就是被一少撮份子欺壓。香港像不像在如此途中？